Jesaja 61:1-4
Die ergste wat seker met ’n mens kan gebeur is om eendag, wanneer jy weet dat dit te laat is, te ontdek dat ek my lewe gemors het. ’n Mens wil weet dat jou lewe betekenis het. Jy wil weet dat jy ’n verskil maak in ander mense se lewens.

Jesaja sê vir die volk van die Here, wat uit ballingskap na hulle eie land gaan terugkeer, dat hulle terugkeer as gesalfdes, mense wat krag ontvang van die Heilige Gees. Hulle is mense met ’n roeping. ’n Roeping is iets groter as jouself waarvoor jy kan lewe. Dit gee ’n mens ’n visie, nie bloot ’n ambisie nie. ’n Ambisie is iets kleiner as myself en, as ek my lewe daarvoor gee, maak dit my kleiner en gaan ek eendag ontdek dat ek my lewe gemors het.

’n Visie, aan die ander kant, laat my groei om die mens te word wat ek kan wees en dit bring my by ’n punt waar ek besef ek het nie my lewe gemors nie. Ons moet reeds vroeg begin om ons kinders in te stel op hulle roeping en nie bloot op ambisies wat eintlik maar deur die samelewing vir ons gevoer word nie. Dit is nooit te laat vir ’n mens om haar of sy roeping te ontdek en die res van hulle lewe te ervaar dat ek uitgenooi word om deel te neem aan iets veel groter as myself.

Mense wat God se uitnodiging aanvaar, word bloeisels van hoop in ’n stukkende wêreld.

Bo en behalwe die feit dat dit ‘n heerlike kuier- en fondsinsamelings-geleentheid is vir Helderbergers is, is die hoofrede hoekom ons makietie hou om fondse te werf vir die Omonia-vlugtelingprojek van Helderberg Uitreik. Verkope van die staanplekke is ten bate van dié projek.

Die projekspan beplan om weer in Oktober na die Omonia Christen-gemeente in Athene te gaan. Hierdie gemeente het ‘n wonderlike ondersteuningsbediening aan vlugtelinge uit die Midde-Ooste uit lande soos Sirië, Afghanistan en Irak. Hierdie mense spoel letterlik in die nag met gehawende bootjies op die uitgebreide Griekse kuslyn en -eilande uit. Hulle is van alles gestroop. Aardse besittings in ‘n plastieksak.

By Omonia Christengemeente se Agape-projek word hulle opgehef, gehelp met asiel-aansoeke, mediese ondersteuning, regshulp, trauma-ondersteuning, finansiële ondersteuning en van lewensmiddele, baba-benodigdhede en kos voorsien. Hulle is feitlik 100% Moslems en word oorweldig met die Jesus-liefde waarmee hulle gedien word.>>

Lees verder: Hoofdoel van die Lente-makietie

Koffie en kuier is sinoniem. Wat is nou lekkerder as ʼn goeie koffie wat met liefde voorberei is. Buiten die gewone gratis tee, koffie en lekker filterkoffie wat Sondae bedien word, het ons ook ons eie Koffiekroeg wat deur lidmate beman word.

Ons volgende barista-opleiding is op Saterdag 25 Augustus vanaf 14:00. Die koste daarvan is R100 pp en dit is vir mense wat deel wil word van ons Barista-spanne met geskeduleerde Sondagdiensbeurte.

Koop sommer hierdie Sondag jou KlaarKoopKoffieKaart om jou koffiedrink kontantloos en makliker te maak. Jy kan natuurlik ook met Snapscan betaal, so moenie uitmis op ‘n heerlike cappuccino op ‘n Sondag voor kerk nie. Vir bespreking en navrae kontak vir Corneille Barnard.

Inhoud: ’n Praktiese inleiding in die passievolle spiritualiteit van Ignatius van Loyola, wat al vir meer as 500 jaar Christene inspireer. Die kernvrae waaraan aandag gegee word is:
Hoe kan ek Jesus beter leer ken en my verhouding met God verdiep?
Hoe kan ek God se wil en my roeping beter leer onderskei?

Aanbieders: Breda Ludik, Rob Clarke, Linda van Heerden en Sorita Joubert
Tyd: Woensdagaande van 22 Augustus tot 26 September om 18:00-20:00
Plek: Joppe, Helderberg
Inskrywings: Kerkkantoor by 021-851 5582
Koste: Soveel soos bekostigbaar is. R400 word aanbeveel, maar mense wat minder of niks kan bekostig nie, is ook welkom. Inbetalings word anoniem in ’n verseëlde koevert gedoen by die byeenkomste.

 

Lente, somer, herfs, winter – die 4 seisoene van die jaar. Ook die 4 seisoene van menswees. 4 Fases van die lewe. Lente – wat jou laat groei, dartel en blom. Somer – die tyd waarin jy vrug dra en beleef dat ek ʼn groot bydrae maak. Herfs met mengel-moes-kleure – waartydens jy afgooi, voorberei en regmaak om in rus in te gaan. Dan Winter waartydens jy net wil skoene uitskop en rus vind in God.

Soms ervaar en beleef mens sommer al 4 seisoene op een dag. Weet jy nie herwaarts of derwaarts nie. Sukkel jy met emosies en omstandighede. Dan vra jy ook soos Laurika Rauch vir die “4 Seisoene Kind” om vir jou nóg ‘n poskaart te stuur met die wind. Want, dalk kan jy êrens ʼn antwoord vind. Dalk êrens vind jy die sin van aanhou, uithou en weer probeer. 4 Seisoene wat onlosmaaklik deel is van lewe.

Menswees emosies wat wipplank ry. Om te bot en te bloei. Om te groei en aan te was. Om te verwelk en af te skaal. Om te rus en om dood te gaan. Opgewonde – terneergedruk, gelukkig – ongelukkig, tevrede – ontevrede, dankbaar – ondankbaar. Hoopvol – moedeloos.

Bome herinner ons aan seisoene – daar is ʼn tyd vir groei, ʼn tyd om vrug te dra, ʼn tyd om blare af te gooi en ʼn tyd om te rus. Prediker 3:1-13 verwoord dit eintlik so aangrypend mooi waarin hy onder andere sê: “God het elke ding gemaak dat dit pas in ʼn bepaalde tyd, maar Hy het ook aan die mens ʼn besef gegee van die onbepaalde tyd.” Kom word saam met ander bewus van die seisoen waarin jy jou nou bevind en vier God se teenwoordigheid saam met ander.

Top