Studente deurloop ʼn intensiewe Huisbestuurkursus waarna ons werkverskaffingsburo
suksesvolle kandidate sover moontlik in werke plaas as huishulpe, asook personeel vir gastehuise, restaurante of ander besighede. Gedurende die afgelope ses jaar kon ons
deurgaans ʼn plasingsyfer van ±85% handhaaf.
Ander huishulpe kry ook die geleentheid om hulself te bemagtig deur ons Kindersorg- of Gesinsmaaltyekursus te deurloop, of om in te skryf vir sommige van die vakke (Skoonmaakvaardighede, Wasgoedhantering of Kookkuns) wat tydens die Huisbestuurkursus aangebied word.
Studente wat die kursusse bywoon vind baie baat daarby, aangesien hulle die geleentheid kry
om in selfvertroue, asook ander lewensvaardighede te groei. Daar is deurentyd ʼn waglys
van persone wat graag as studente wil inskryf.
Ons behoeftes:
“Borg ʼn student“- projek: Teen R2100 kan u dit vir ʼn werklose persoon moontlik maak om die Huisbestuurkursus te deurloop Besighede as vennote om armoede te help verlig
*
ʼn Permanente perseel met groter fasiliteite sodat meer studente gelyktydig opgelei kan word
* Werksgeleenthede vir opgeleide studente.
*
Vrywilligers as dosente.
|
