Dienste word lewendig uitgesaai op YouTube, gaan na YouTube en teken in by Helderberg Gemeente.
Eredienstye (somer):
08:00 Klassieke diens
08:30 Meditatiewe diens
09:00 Hoop (Sitari)
09:30 Informele diens
09:30 Kiddie- en Tekkiekerk
10:00 Helderberg Village
18:00 Tieners
19:00 Aanddiens
(Wintertye begin op 2 Junie 2024)
Jesus het werklik opgestaan! Dit is baie maklik om Jesus se lering te volg, om jou te vereenselwig met mooi en gesonde dinge wat Jesus vir die mense van sy tyd en vir ons leer. Dit is ‘n gesonde leefwyse, ‘n manier van omgang met ander wat baie waarde toevoeg aan die gemeenskap en aan jou eie lewe. Dit sou selfs ‘n mooi godsdiens wees.
Om egter te glo dat Jesus opgestaan het, is iets heeltemal anders. As die opstanding van Jesus vir jou ‘n werklikheid is verander dit jou lewe radikaal. Dan word die mooi godsdiens, diens aan God. ‘n Lewe wat geleef word uit verwondering, dankbaarheid en hoop! Die onmoontlike word die realiteit waarin ons leef. Sondige mense wat nooit kan verdien om vergeef te word nie, word vergeef! Sukkelende gelowige mense word in die teenwoordigheid van die almagtige God ingenooi as mense wat geheilig is. Skaamte, self-veroordeling en minderwaardigheid word verander as God sê ons is sy geliefde kinders!
Ons word geroep om die onmoontlike hier op aarde te kom deel met ander. Die opstanding van Jesus is DIE wonderwerk wat ons nooi om God se wonderwerke hier op aarde voort te sit. Kom deel hierdie Sondag saam in die viering van die Opstanding van Jesus.
Groete
Paul Barnard
Elkeen van ons kom in situasies waar ons verskillende emosies beleef. Ons lees in die evangelie van Lukas iets hiervan: Die skare wat opgewonde skree in Jerusalem se strate “Geseënd is die Koning” (Lukas 19:38) en ’n paar dae later die skare wat skree “Kruisig, kruisig hom” (Lukas 23:21). Die skare wat opgewonde is in Jerusalem (Lukas 19:37) en dan weer Jesus wat huil oor Jerusalem (Lukas 19:41).
Ons berei ons voor vir Paasnaweek en hierdie Sondag vier ons Palmsondag. Jesus ry op ‘n donkie in Jerusalem en die skare wil Hom koning maak. Watter soort koning verwag jy? Is jy bereid om vir Jesus as ware Koning te aanbid?
Kom ons gesels Sondag verder hieroor en die teksgedeelte van Lukas 19:29-44.
Volgende week is dit Heilige Week. Soos gebruiklik sal daar stasies wees waar jy kan gaan stil sit en die laaste dae voor Jesus se kruisiging kan beleef. Dit is 'n plek waar jy kan bid, kan voel en sien.
Jy word uitgenooi om van die stasies gebruik te maak en dit help jou ook met jou voorbereiding vir Paasfees.
Die meeste stasies is in die Tent en sal die hele dag beskikbaar wees. By die Bet-El muur is ook ‘n stasie met klippe wat beskikbaar is. Kom kyk gerus volgende week en maak gebruik daarvan.
Tel: 021-851 5582
Noodnommer: 083 988 2003
epos: Hierdie e-posadres word van Spambotte beskerm. Jy moet JavaScript ontsper om dit te lees.
-boodskappe: 074 271 1589
Facebookgroep
Word gerus deel van ons Facebookgroep met die naam: Helderberg Gemeente gesels lekker
Word deel van ons WhatsApp-groep
Wil jy die skakels na die preke en ander inligting kry op WhatsApp, kliek op die skakel hieronder met jou selfoon en word outomaties deel van die groep:
https://chat.whatsapp.com/HK219PoUcN4LOmoGy4GDt0
Of gebruik die QR kode:
- maak WhatsApp oop
- gaan na settings
- maak die QR kode langs jou naam oop
- scan ons QR kode
Bid saam met ons vir die volgende mense:
Wilna Kilian – hospitaal
Alexander Bekker (3jr) – herstel na operasie aan gesig
Louis Visser – ICU met longontsteking
Issie Ponelis – kanker
Jurie Goosen – voetoperasie
Elmine Stickling – kanker
Jan Brits – operasie (kanker)
Jan Branders – sterk tuis aan
Corius Visser – hartoperasie
Japie Myburg – operasie
Francois Roux – ontslaan uit ICU, herstel in sig
Wimpie van Dyk – ernstig siek, Covid
Cecilia Lötter – ontslaan uit ICU, sterk tuis aan
Emmie van Tonder – kanker
Susan Crafford – verswak
Ek is dankbaar:
- dat U my Koning is
- dat ek die ware Koning kan aanbid
- dat die Mannekamp baie geseënd was
Rou:
Daniel Benade is oorlede, ons dink aan Gerda en familie.
Johann du Toit se ma is oorlede, ons dink aan die familie.
Gerhard Pietersen (leraar van Hoop Geloofsgemeenskap) se ma is oorlede, ons dink aan hom en sy gesin.
Moet ons vir jou bid? Laat weet ons asseblief by die kerkkantoor: 021-851 5582 of onderlingesorg@nghelder.co.za
Hulle het uitgeroep:
“Geseënd is die Koning,
Hy wat kom in die Naam van die Here!
Vrede in die hemel en heerlikheid in die hoogste!”
Lukas 19:38
03.21.2024 - 04.02.2024
Skoolvakansie
03.29.2024
Goeie Vrydag
04.01.2024
Gesinsdag
04.03.2024
Skole open
04.07.2024
Doop
04.07.2024
Dag van Danksegging en Verootmoediging
04.09.2024 9:00 am - 11:00 am
Helderberg Seniorklub
04.10.2024 10:00 am - 12:00 pm
Kreatiewe Kuiergroep
04.21.2024
Studentepreek
04.21.2024 3:00 pm - 4:00 pm
Klassieke Klanke
Liewe Lidmaat
Die POPI inligtingswet is vanaf 1 Julie 2021 inwerking en ons bevestig hiermee dat lidmate se persoonlike inligting veilig hanteer en bewaar word. Lidmate kan dmv ons webblad aansoek doen (kliek hier) om toegang tot hulle inligting te verkry. Vir verder navrae kontak gerus ons Inligtingsbeampte, Grazie Beets, by Hierdie e-posadres word van Spambotte beskerm. Jy moet JavaScript ontsper om dit te lees.
Kliek asb op die skakel hieronder vir meer inligting oor die Covid-19 virus