Dienste word lewendig uitgesaai op YouTube, gaan na YouTube en teken in by Helderberg Gemeente.
Eredienstye (somer):
08:00 Klassieke diens
08:30 Meditatiewe diens
09:00 Hoop (Sitari) - skoolsaal van Curro Skool
09:30 Informele diens
09:30 Kiddie- en Tekkiekerk
10:00 Helderberg Village - Kilberry saal
18:00 Tieners
19:00 Aanddiens
(Wintertye begin op 2 Junie 2024)
Tipiese aktiwiteite gedurende die week:
Dinsdagoggend – gebedsgroep wat bid vir die kerk en die land van 06:00-06:45, kom bid saam al kan jy dit net een keer per maand doen.
Woensdagoggend – Kreatiewe Kuiergroep kom elke 2'de Woensdag in die Tent bymekaar om 10:00. As jy lus het om iets kreatief te doen kontak vir Magdel by 082 400 0903.
Donderdagoggend – Bybelstudiegroepe. As jy wil inskakel by ‘n groep kontak vir Ina van Niekerk by 082 578 9893 (dames) of Johann Swart by 082 928 7596 (mans).
Vrydagoggend – Manne Bediening kom bymekaar in die Kapel om 06:00, hulle bid saam en gesels saam. Kontak vir Jaco by 083 675 5687 of Leon by 081 019 0710 indien jy meer wil weet.
Dan is daar ook verskeie omgeegroepe en wyksgroepe, asook ‘n groep vir jong werkendes. Gesels met René meer hieroor by Hierdie e-posadres word van Spambotte beskerm. Jy moet JavaScript ontsper om dit te lees. of 021 851 5582, sy kan vir jou meer vertel oor al die kleingroep.
Leef met hoop en verwagting, want alles gaan goed eindig.
Hoe dink jy oor die wederkoms van Jesus? Is jy opgewonde, bang, of eintlik net neutraal? Sing jy saam: “Kom Here, kom gou!”, of sê jy: “Wag ‘n bietjie Here, ek het nog ‘n paar dinge wat ek graag wil doen.”?
In ons preekreeks, Jesus Ongefilter, het ons gekyk na wat Jesus gedoen het, van sy geboorte as weerlose mense baba tot sy Hemelvaart en koningskap. Wat oorbly, is wat Jesus nog gaan doen. Hy gaan weer kom.
Hy het belowe om die werk wat Hy begin het, op aarde klaar te maak op die tyd wat die Vader daarvoor bestem het. Op die dag sal alle boosheid vernietig word, sal die Here al die trane afdroog en sal God sy woonplek by die mense kom maak. Daar sal dan ’n nuwe hemel en ’n nuwe aarde wees.
Hierdie belofte van Christus vul ons met verwagting en hoop en help ons om nie net uit te hou met die swaar van die lewe nie, maar om daagliks met moed en durf te werk vir die groter koms van Christus se koninkryk. Al weet en verstaan ons nie alles nie en al kan ons dit moeilik vir ons voorstel, bewaar hierdie verwagting ons van onsekerheid en wanhoop oor die toekoms en vul ons met moed en krag en deursettingsvermoë. Skriflesing is uit Openbaring 21:1-8. Sien jou Sondag.
Dit is hierdie Sondag Bybelverspreiding se getuienisgeleentheid. Kontak gerus vir Grazie by Hierdie e-posadres word van Spambotte beskerm. Jy moet JavaScript ontsper om dit te lees.
Ons is besig met ons reeks Jesus ongefilter, Danie het Sondag gekyk na die Kruisiging en ons het gedurende Paasnaweek gekyk na die opstanding. Hierdie Sondag kyk ons na Jesus se Hemelvaart. Hemelvaart is nie een van die dae in die kerk wat baie aftrek kry nie, alhoewel dit vir ons ‘n baie belangrike dag is.
Ek het al baie hieroor gewonder. Ek dink dit is omdat ons iets van die dissipels se ongemak en onsekerheid beleef wanneer hulle staan en kyk hoe vaar Jesus op. Hulle bly staar na die wolke terwyl Hy weg is en die engele vra waarna kyk julle? Hoekom moes Jesus weggaan? Hoekom kon Jesus nie net bly en alles uitsorteer nie? Hoekom moet ons alleen agter bly? Calvyn sukkel ook hiermee as hy sê dat Jesus ons agter los en ook nie. Hoekom word ons agter gelos en wag ons nou net tot die wederkoms?
Die soeke na die doel van hierdie tussentyd tussen Hemelvaart en die wederkoms is die kerk se uitdaging. Staan jy nog en staar na die wolke, voel jy verlore, onseker? Hierdie Sondag kyk ons na wat is die doel van die Hemelvaart en die tyd wat ons nou hier op die aarde is.
Groete
Paul Barnard
Ons kan nie genoeg dankie sê vir lidmate wat ‘n gereelde maandelikse dankoffer gee nie. Dankbaar sien ons ook ‘n matige toename in dankoffers. Kommerwekkend, egter, word gereelde maandelikse bydraes slegs van 23.89% van gemeentehuishoudings ontvang. Ten einde ons beplanning te kan doen vra ons mooi vir jou dankofferverbintenis, as jou geloofsverbintenis jou daartoe lei. Let daarop dat ‘n geloofsoffer onderskei word van ‘n dankoffer. Slegs laasgenoemde mag deur die gemeente vir operasionele uitgawes gebruik word – nie geloofsoffers nie. Dui dus asseblief ook duidelik die aard van jou bydrae.
Groete
Chris Eagar – Leier van Rentmeesterspan
Hierdie e-posadres word van Spambotte beskerm. Jy moet JavaScript ontsper om dit te lees.
Tel: 021-851 5582
Noodnommer: 083 988 2003
epos: Hierdie e-posadres word van Spambotte beskerm. Jy moet JavaScript ontsper om dit te lees.
-boodskappe: 074 271 1589
Facebookgroep
Word gerus deel van ons Facebookgroep met die naam: Helderberg Gemeente gesels lekker
Word deel van ons WhatsApp-groep
Wil jy die skakels na die preke en ander inligting kry op WhatsApp, kliek op die skakel hieronder met jou selfoon en word outomaties deel van die groep:
https://chat.whatsapp.com/HK219PoUcN4LOmoGy4GDt0
Of gebruik die QR kode:
- maak WhatsApp oop
- gaan na settings
- maak die QR kode langs jou naam oop
- scan ons QR kode
Bid saam met ons vir die volgende mense:
Fanie Roux – kanker
Marni Rischmuller se ma Maritha – kanker
Bazil Nunes – ICU, verswak
Issie Ponelis – kanker
Elmine Stickling – kanker
Jan Brits – herstel na operasie
Francois Roux – sterk tuis aan
Wimpie van Dyk – sterk tuis aan
Cecilia Lötter – sterk tuis aan
Emmie van Tonder – kanker
Susan Crafford – verswak
Ons is dankbaar:
- dat ons vir mekaar ook kan lief wees
- dat ons met die daad kan liefhê
- vir U Gees wat U aan ons gegee het
Rou:
Marietjie du Plessis is oorlede, ons dink aan haar familie.
Moet ons vir jou bid? Laat weet ons asseblief by die kerkkantoor: 021-851 5582 of onderlingesorg@nghelder.co.za
En dit is sy gebod: Dat ons in die Naam van sy Seun, Jesus Christus, moet glo, en mekaar moet liefhê volgens die gebod wat Hy aan ons gegee het. 1 Johannes 3:23
Liewe Lidmaat
Die POPI inligtingswet is vanaf 1 Julie 2021 inwerking en ons bevestig hiermee dat lidmate se persoonlike inligting veilig hanteer en bewaar word. Lidmate kan dmv ons webblad aansoek doen (kliek hier) om toegang tot hulle inligting te verkry. Vir verder navrae kontak gerus ons Inligtingsbeampte, Grazie Beets, by Hierdie e-posadres word van Spambotte beskerm. Jy moet JavaScript ontsper om dit te lees.
Kliek asb op die skakel hieronder vir meer inligting oor die Covid-19 virus