2021 is ‘n ongelooflike spesiale roepingsjaar vir HOEP! ‘n Jaar waarin ons aanvanklik addisionele opleidingsmateriaal wou byvoeg tot ons program… Maar God het ander planne gehad en HOEP kon nie anders as om te volg nie.

Alle eer aan ons Hemelse Vader wat HOEP se voetspoor in so ‘n mate vergroot het, dat 70 skooltjies in die Wes-Kaap en 4 in Jakarta, Indonesië, tans van HOEP se Vroeë Remediërende Intervensieprogram gebruik maak. Die areas waarin ons tans opleiding, monitering en kwaliteitskontrole doen, asook werkboeke verskaf, sluit Khayelitsha, Delft, Mitchell’s Plain, Macassar, Firgrove, Asanda Village, Nomzamo, Strand, Grabouw, Botrivier, Klapmuts, Kylemore en Franschhoek in. Deur die HOEP program word opvoeders bemagtig om nie net ‘n veilige hawe en kos aan die jong leerdertjies in hul sorg te bied nie, maar om die 4- tot 6-jarige leerders (Graad RR en R) ook op akademiese vlak te stimuleer en op ‘n effektiewe manier tot skoolgereedheid te lei.>>

Twitter

Lees verder: Getuienisgeleentheid: HOEP (Heaven-on-Earth Project)

Hoe reageer jy in tye van onsekerheid of bedreiging? Die natuurlike reaksie van mens en dier is om laer te trek. Om te verdedig en seker te maak jy en jou mense is veilig. “Vir ‘n tydjie moet ek nou eers minder omgee vir ander en sorg vir myself of my groepie.”

Gelukkig is hierdie natuurlike reaksie, nie ons enigste opsie nie. Ons as mense het die vermoë om ook te kan kies om my eie belang tweede te stel en ter wille van ander op te tree. Die maklikste voorbeeld is seker ‘n ouer wat bereid is om baie op te offer ter wille van ‘n kind. Of mense wat baie van hulle tyd en hulleself gee vir gemeenskapswerk. Die beste voorbeeld van hierdie “teen natuurlike optrede” is God self, wat in Jesus Christus homself verneder en geoffer het.

Vir ons as volgelinge van Jesus is daar ‘n groot ontdekking – God maak van ons nuwe mense – met ‘n nuwe natuur. Hierdie nuwe natuur tree nie op ter wille van onsself nie, maar ter wille van ander. Natuurlik is dit makliker as dit met ons self goed gaan. Wanneer die “papaja in die waaier beland”, dan is dit toetstyd vir hierdie nuwe natuur – die geleentheid om na vore te kom – of die hartseer ontbloting van die ou natuur wat nog eintlik die septer swaai in my lewe.>>

Twitter

Lees verder: Ter wille van wie …

Ons eerste WhatsApp-groep is vol, maar ons het nog ‘n groep oopgemaak. Dieselfde boodskap word op beide groepe geplaas. Volg die maklike stappe soos hieronder of jy kan nou op jou selfoon kliek op hierdie skakel: https://chat.whatsapp.com/HK219PoUcN4LOmoGy4GDt0

Twitter

Gedeelte van die inkomste gaan aan Helderberg Gemeente

Twitter

www.truth2kids.org

Vir die Truth2kids span is dit ‘n vreugde om die waarheid van God se Woord te bring aan kinders in gemeenskappe, skole en kleuterskole. Ons wil alle eer aan die Here gee vir al die geleenthede wat Hy deurentyd vir ons geskep het ten spyte van die pandemie uitdagings. Ons is dankbaar vir elkeen van die omtrent 900 kinders wat in 26 Bybelklubs bereik kon word vanaf die begin van die jaar. Sommige klubs word buite gehou en op ander plekke word die stoeltjies ver uit mekaar gepak sodat kinders mooi met hul maskers veilig kan deelneem. Sommige skole gee nou ook weer vir ons geleentheid in klastyd. Dit is ‘n groot vreugde om te beleef hoe leergierig die kinders is om meer oor God te leer en hoe pragtig hul waarhede onthou en spontaan tot eer van die Here sing. Ons gebed is dat hul Jesus as enigste Verlosser sal volg.>>

Twitter

Lees verder: Getuienisgeleentheid: Truth2Kids