As deel van Helderberg se Jubeljaar vieringe beplan ons ‘n vol program vir Vrydag, 11 Oktober tot Sondag, 13 Oktober.
- Vrydagaand: Ons beplan ‘n gemeentebraai met heerlike musiek en stalletjies vir die wat nie wil braai nie.
- Vrydag - Saterdag: Ons gaan alreeds met ons Lentemakietie die Vrydagmiddag begin tot Saterdagmiddag. Enige iemand wat belangstel in ‘n stalletjie kan ‘n epos vir meer inligting stuur na Hierdie e-posadres word van Spambotte beskerm. Jy moet JavaScript ontsper om dit te lees.. Dit kan omgeegroepe, Uitreik-projekte of buite-uitstallers wees vir kos, handwerk of produkte. Ons wil soveel moontlik stalletjies alreeds van Vrydagmiddag en -aand af hê.
- Sondag: Ons gaan dit vier met ‘n spesiale nagmaal by al die dienste.
- Klassieke Klanke Konsert: Sondag 13 Oktober sluit ons die naweek-fees af met ‘n groot Klassieke Klanke Konsert. Dit beloof om baie spesiaal te wees met die meeste kore en instrumentaliste nog. As jy nog nooit een bygewoon het nie, is hierdie een die moeite werd.

As jy wit olifante het, kom gee dit gerus in by die kerkkantoor of kontak vir Maatjie by 021-855 3872 of 082 619 9040. As jy boeke wil weggee, bring dit ook na die kerkkantoor of kontak vir Annette by 082 545 7718. Hierdie fondse gaan vir die kerkkas.

Dié naweek beloof iets vir almal, ons wil mos as ‘n familie saam jubel en feesvier. Sit hierdie naweek sommer nou al in jou dagboek, sodat jy nie ons feesvieringe misloop nie.

Navrae: Corneille Barnard

Twitter

Dit is onvermydelik om ‘n tydskrif te lees sonder om die woord demensie of Alzheimer’s raak te lees. Ons almal ken iemand wat of gediagnoseer is met demensie, vermoed hulle het demensie, of ontken dat iets fout is. 

Wat is demensie? 
Demensie is die sambreelterm vir meer as 200 siektes, deesdae bekend as neurokognitiewe versteurings. Alzheimers se siekte is slegs 1 van die 200 tipe toestande, maar het in die volksmond die naam geword vir die vergeet-siekte. Daar is egter baie meer simptome as net vergeet, afhangende van die area van die brein wat geaffekteer word. Demensie kan mense van meeste ouderdomsgroepe takel, met Batten’s se siekte wat kinders so jonk soos 3 jaar oud kan beïnvloed. 

Hoe weet ek iets skort? >>

Twitter

Lees verder: Die groot D 

Die skole sluit Vrydag 20 September en dan sal die kerkkantoor in die skoolvakansie elke dag om 13:00 sluit. Die kerkkantoor is ook gesluit Maandag, 23 September en Dinsdag, 24 September.

Twitter

Dit is met groot dankbaarheid dat ons steeds na meer as 22 jaar die Here se seën en sorg in die projek kan ervaar, aan Hom al die eer en lof!

Weeklikse Bybelklubs in skole, kleuterskole, op plase en in gemeenskappe gee voete aan die visie van die projek om die Evangelie te bring aan kinders 4-14 jaar oud in die Helderbergkom. Tans het die projek 4 deeltydse werkers en ook ongeveer 25 vrywillige leidsters wat weekliks ongeveer 2 000 kinders bedien. Kampe en uitstappies word ook gedurende die jaar gehou om verhoudings en dissipelskap te bevorder en opvolg geleenthede te skep vir tieners uit ons klubs.>>

Twitter

Lees verder: Getuienisgeleentheid: Kinderevangelisasie Projek

Na meer as 32 jaar by Helderberg Gemeente gaan Breda sy bediening hier afsluit. Sy afskeidsdiens gaan op Sondag 20 Oktober by die klassieke, informele en aanddiens wees. Daar sal dan geen meditatiewe dienste wees nie. Na die klassieke en informele diens is daar 'n kuiergeleentheid in die Tent. Daar sal ook ‘n bring-en-braai vanaf 11:30 saam met Breda en Francé wees. Diegene wat saam met hulle om die braaivleis vuur wil kuier, kan hul name by die kerkkantoor ingee sodat ons die bykosse kan beplan.

Twitter