Helderberg Uitreik is tans, deur middel van verskeie projekte, besig om mense te ondersteun wat deur Covid-19 geraak word. Ons kan dit net doen, omdat daar soveel mense en instansies is wat ons help. Dankie aan elke indiwiduele donateur wat kundigheid, geld en goedere skenk. Elkeen se bydrae maak ‘n groot verskil.

Ons wil ook graag die volgende instansies bedank vir hulle donasies:
Vir voedsel: Deliveg, Spar Helderbosch, Spar Heldervue, Spar Lion’s Square, Pick n Pay Waterstone, Checkers Sitari, Romans Pizza Somerset-Wes en Strand, Woolworths Waterstone, asook Nanomarket https://nanomarket.co.za vir aanlyn voedselkoopbewyse.
Vir materiaal vir maskers: Lynda Louw Interiors, Las Cortinas Interiors, Fabric Centre, Station Bargain Warehouse.

Ons is bevoorreg om die kanaal van God se genade te wees in hierdie tyd.
Baie dankie
Louise (Hierdie e-posadres word van Spambotte beskerm. Jy moet JavaScript ontsper om dit te lees.)

Na die kerkraadsvergadering van 2 Junie sal ons meer detail kan gee oor die eredienste in die kerk. Bid asseblief ook saam met ons vir wysheid.

Sondag, 31 Mei is Pinksterfees en word ons ook opgeroep om deel te neem aan die Nasionale Gebedsdag in Suid-Afrika met die volgende woorde van pres. Ramaphosa:
"I therefore urge all South Africans to heed the call of the leaders of our various faith communities for a national day of prayer on Sunday, the 31st of May, when we will once again come together to pray for the healing of our land and the protection of our people.
"On this day, wherever we may be, I call upon you to turn your thoughts to all who have been affected by this pandemic. On this day, we should remember those who are working to keep us safe, those who are suffering and grieving."

Die Bybel roep ons ook op om gedurig te bid (1 Tess 5:17) en getuig dat die gebed van ’n gelowige ’n kragtige uitwerking het (Jak 5:16). Hier volg 'n paar praktiese riglyne hoe jy die Gebedsdag kan inrig. Mag die Heilige Gees ons ook in die toekoms help om gedurig te bid en ons afhanklikheid van Hom te erken.

Met hierdie stuk wil ons ’n paar praktiese riglyne gee hoe jy jou gebedstyd kan inrig. Mag die Heilige Gees ons ook in die toekoms help om gedurig te bid en ons afhanklikheid van Hom te erken. Lees hier hoe>>

Lees verder: Nasionale Gebedsdag - 31 Mei

Sondag 31 Mei is Pinksterfees en die afsluiting van ons Pinksterreeks oor Openbaring. Die tema is “Die Heilige Gees help ons om nuut te sien” en ons gaan kyk na vier kort skrifgedeeltes (Openbaring 1:10-13; 4:1-2; 17:1-3 en 21:9-10).

Die Heilige Gees het vir die apostel Johannes gehelp om veral vier dinge nuut te sien, dinge wat sy totale lewe verander het: (1) Die Heilige Gees laat ons die waarde van gemeentes sien; (2) Die Heilige Gees laat ons vir Jesus in mag en heerlikheid sien; (3) Die Heilige Gees laat ons die wêreld sien; (4) Die Heilige Gees laat ons ’n nuwe toekoms sien.

Die Heilige Gees is tot beskikking van elke gelowige. Hy wil ons in hierdie tyd troos en help. Maar Hy wil ook vir ons help om nuut te kan sien te midde van ‘n deurmekaar wêreld. Die Heilige Gees is meer aansteeklik as enige virus. Is jy oop vir die werking van die Heilige Gees in jou lewe?
Deurkollekte gaan vir KidsXpress

Ons is saam met die ander geloofsleiers dankbaar vir die vergunning wat die staatspresident vir geloofsgemeenskappe gegee het. Ons sal ná die kerkraadsveradering van 2 Junie meer kommunikeer oor die implementering daarvan in Helderberg Gemeente. Bid asseblief vir wysheid dat ons ‘n verantwoordelike besluit kan neem. Ons moedig alle lidmate aan om Sondag 31 Mei as Nasionale Biddag saam met al die gelowiges in SA te vier. Ons sal Vrydag ‘n spesiale e-nuusbrief uitstuur met riglyne hoe ons die gebedsdag kan inrig.

Ons span beraders is beskikbaar vir enige persoon wat ‘n behoefte het om te gesels. Ons werk telefonies of via Zoom. Volg ons Facebook vir meer inligting oor hoe jy jouself kan oppas in die tyd: https://www.facebook.com/Helderberg-Beradingsentrum-111281073832240/?modal=admin_todo_tour
Navrae by Meagin by 079 417 3863

Top