Dalk is die vraag bietjie vinnig op jou. Sal jy eers wil verduidelik?
God se droom vir sy kinders is om diep gelukkig te wees. Dit is ‘n sleutelgedagte in ons preekreeks oor wie God wil hê ons moet wees. Jesus sê volgens Johannes 10:10: “Ek het gekom sodat hulle lewe kan hê, en dit in oorvloed.” ‘n Lewe in oorvloed vat jy nie sommer in ‘n woord of twee vas nie – maar een van die frases wat die gevolge van hierdie lewe die beste beskryf, is “‘n gelukkige mens”. Dit is wat God vir jou in die oog het. Oorvloed, maar hierdie oorvloed het min met besittings te doen, en baie met vrede en liefdevolle verhoudings. Kom soek Sondag saam met Danie Möller na hierdie geluk.
Die deurkollekte gaan vir Internasionale Studentebediening