Projekleier:  Maria Kirsten
Koördineerder:  Frederike van Schalkwyk 

Die Pêrel Projek is ‘n gemeenskapsontwikkelingsprojek van Helderberg Uitreik. Ons help ouers, jeug en kinders om hulle identiteit in Christus te vind en hul volle potensiaal te ontdek en te ontwikkel. Die doel van die Pêrel Projek is om mense te bemagtig en onafhanklik te maak.

Ondersteuning in plaasgemeenskappe
Die Pêrel Projek ondersteun ‘n aantal plaasgemeenskappe in die Helderbergkom. Deur vroeë kinderjare ontwikkeling, opleiding in evangelisasie, lewens- en handvaardighede wil ons die mense toerus sodat hulle op die lang termyn aan hulle eie lewensbehoeftes kan voorsien.
Ons werk saam met skole en ander projekte om die gemeenskappe optimaal te bedien.
Die Pêrel Projek werk waar die mense woon.

Wat doen ons?
Ons bied o.a. aan:
• Vroeë Kinderjare ontwikkeling (crèche/kleuterskool)
• ‘n Mobiele biblioteek met DVD’s en boeke
• Bybelklub/jeugbediening
• Handvaardighede soos houtwerk vir seuns
• Kreatiewe kursusse bv mosaïekwerk, brei, verf en kraleryg
• Positiewe selfbeeld ontwikkeling
• Bewusmaking van dwelms en alkoholmisbruik
• Deelname aan kampe vir kinders en jeug
• Sopkombuis tydens die wintermaande
• Sport organiseer in die gemeenskap
• Maatskaplike hulp aan gesinne
• Geletterdheid vir volwassenes en kinders
• Naaldwerkkursus (16+)
• 1x per jaar Vrouedag
• 1x per jaar uitstappie vir kinders wat deelneem aan ons aktiwiteite.
• Kersgeskenke vir bejaardes
• Kersgeskenke vir kinders wat deelneem aan ons aktiwiteite

Pêrel Projek is besig om fondse te werf om ‘ n veeldoelig gebou, die Sentrum van Hoop, te kan bou.
Webadres: www.pearlproject.co.za

Top