Vir die volgende vyf Sondae (7 April tot 5 Mei) gaan ons stilstaan by die eerste brief van Johannes. Volgens oorlewering het die apostel Johannes die brief geskryf. Hy rig dit aan ‘n hele paar nie-Joodse gemeentes in Klein-Asië. Sy doel is om Christene in hulle geloof te versterk en hulle te help om weerstand te bied teen valse leerstellings.
Daar is talle temas wat in die brief na vore kom: Sonde, skuldbelydenis en vergifnis; Liefde wat geleef moet word; Ons rol as kinders van God; Waarheid en valsheid; Geloof en sekerheid. Ons wil jou uitnooi om saam met ons hierdie brief te lees en self te beleef hoe God met jou praat.
Eerskomende Sondag se eredienste saam met Deon Els sal aansluit by 1 Johannes 1:1-2:2. Nooi vriende saam na die eredienste.
Ons wil dit wat ons Paasnaweek beleef het verder uitleef.