Ons is baie bewus daarvan dat mense op die oomblik emosioneel swaarkry vanweë ‘n groot verskeidenheid redes en ons wil baie graag van hulp wees en wil daarom vra vir jou insette.

Ons wil graag binnekort Zoom-ondersteuningsgroepe begin waar ons lekker saam kan dink en mekaar ondersteun.
Om seker te maak dat ons die regte behoeftes aanspreek wil ons jou vra om asb die skakel (https://forms.gle/Z7qmwbNrFuop77PeA) te volg na ‘n vinnige vraelys waarna ons jou dan sal kontak sodra die groepe begin.

Intussen is ons beskikbaar vir berading, meld asb aan by Meagin by Hierdie e-posadres word van Spambotte beskerm. Jy moet JavaScript ontsper om dit te lees. of 079 417 3863

In hierdie ekonomies moeilike tyd wil Helderberg Gasvryheid ‘n poging aanwend om die gemeenskap te ondersteun. Ons wil 'n gratis platform skep waar mense hulle besighede, dienste en produkte kan adverteer.

Indien jy 'n besigheid het, ‘n diens aanbied of iets verkoop is hierdie vir jou. Dit is vir bestaande besighede of iemand wat iets nuuts begin het. Ons wil jul graag help dat die gemeenskap kennis neem van wat jul bied – so ondersteun ons diensverskaffers in ons gemeente, bou ons verhoudings en leer mekaar ken.

Indien jy sou belangstel om deel te neem aan so ‘n platform, kontak vir Corneille Barnard by Hierdie e-posadres word van Spambotte beskerm. Jy moet JavaScript ontsper om dit te lees.. Ons sal dan vir jou meer inligting stuur oor hoe dit gaan werk.

Pêrel Projek help mense in nood
Omdat baie mense skielik tuis was sonder inkomste, het ons kospakkies saamgestel en dit aan gesinne uitgedeel in April en Mei. Saam met Amanda deel Frederike twee keer per week 120 warm maaltye aan kinders en jongmense tot die ouderdom van 18 jaar uit.

Baie kinders is nog nie skool toe nie en vir baie beteken dit dat hulle 'n ete mis. Om te voorkom dat kinders honger ly, wil ons voortgaan om ten minste 2 warm maaltye per week te gee. Wil jy help met 'n donasie? Ons wil graag in September 2020 weer ons ECD oopmaak maar ons kort fondse. Enige bydra is welkom om die nodige aankope te kan doen en ook om aan Covid-19 riglyne te kan voldoen.

'n Donasie kan inbetaal word in die rekening van Pêrel Projek:
Bankbesonderhede
Bank: ABSA Rek naam: Helderberg Uitreik
Spaarrekening nommer: 9114483080 Takkode: 632005 Verwysing: Pêrel Projek

Om met vrede te gaan slaap en met gemoedsrus op te staan
Hoe lekker klink dit nie? Ek glo dit is die meeste van ons se droom. Ongelukkig is die teendeel op die oomblik vir baie waar. Oral sien en hoor ek mense wat angstig, onseker en bekommerd praat en lewe. Dit kan nie wees wat die Here vir ons bedoel nie. In die laaste van ons reeks boodskappe uit die Psalms gesels ons in Sondag se huiskerk oor Psalm 4. Wat is God se belofte van vrede en hoe kan ons dit regkry om met gemoedsrus te gaan slaap en te lewe? Danie Möller is aan die woord.

Kliek hier vir die aktiwiteite wat saam met die Kiddie- en Tekkiekerk gedoen kan word. Onthou ook van ons omgee-uitdeelstukke, kliek hier, wat elke week gelaai word.
Ons dienste word uitgesaai op die webblad (voorblad) en op YouTube. Ons sit ook skakels op Facebook en Whatsapp.

Deurkollekte gaan vir Pêrelprojek.

Helderberg Gemeente is baie bewus daarvan dat dokters en alle mediese personeel onder groot druk werk en ook baie aan die pandemie blootgestel is. Ons besef dat jul daaglikse omstandighede groot fisieke, emosionele en geestelike eise aan julle en jul families stel. Daarom wil Helderberg Gasvryheid graag na julle uitreik net om te sê ons is daar vir julle. Onder is die skakel na ‘n Zoom-gesprek om sommer net saam te kuier en ook te verneem hoe ons as gemeente vir jou/julle daar kan wees in hierdie ongekende en uitdagende tyd.

Sluit gerus volgende Woensdagaand by ons aan daarvoor.
Topic: Kuiergeleentheid vir Mediese personeel
Time: Woensdag, Jul 15, 2020 20:00 PM
Join Zoom Meeting
https://us02web.zoom.us/j/88143341049?pwd=SUdNQUJCcHNaVERVQXRIUmVlWjlvdz09
Meeting ID: 881 4334 1049
Password: 392555
Navrae: Corneille Barnard (Hierdie e-posadres word van Spambotte beskerm. Jy moet JavaScript ontsper om dit te lees.)

Top