Jy word hartlik uitgenooi om een van die eredienste by te woon. Daar is beperkte sitplekke beskikbaar en om te verseker dat daar vir jou ‘n plekkie voorberei word, bevestig asseblief vooraf watter diens jy gaan bywoon.

Daar is 3 verskillende maniere om te bevestig:
1. Stuur ‘n e-pos aan: Hierdie e-posadres word van Spambotte beskerm. Jy moet JavaScript ontsper om dit te lees. of
2. Skakel die kerkkantoor: 021-851 5582 of
3. Deur op ‘n skakel te kliek:
• 08:00 Klassieke diens met meditatiewe momente in die Kapel: https://forms.gle/hhAbU1XUD1Vp7rCe8
• 09:30 Informele diens in Korinte: https://forms.gle/yyhKx4Foy52R72A28
• 19:00 Aandkerk in die Tent: https://forms.gle/kcjqz13jdo1rTJZv7

Huiskerk/Vriendekerk uitsendings word steeds op YouTube en die Gemeente se webblad uitgesaai. Gebruik dit gerus saam met die weeklikse omgeegroepe-uitdeelstuk.

4 Lines Sports Coaching bestaan uit vrywilligers wat hulself ten doel stel om afrigters en spelers te bemagtig om tot eer van God ‘n volhoubare verskil te maak in en deur sport en rekreasie aktiwiteite.

Lewensvaardighede, bewegingsvaardighede, tegniek/taktiek word gedeel en aangeleer. Geskenkte sporttoerusting word met toeligting versprei aan gemeenskapsorganisasies, klubs, skole en uitreik-organisasies in die Helderbergkom en waar behoefte bestaan. Opleiding in lewensvaardighede, bewegingsvaardighede en sportbestuurbeginsels is gedeel met gemeenskappe in Piketberg, Kayamandi, Mannenberg en Croydon.

‘n Sleepwaentjie is geskenk en sport apparaat vir gebruik tydens afrigtingsklinieke en korttermyn uitreike word aangeskaf om gemeenskapsafrigters te bemagtig om gedurende Desember programme te loods.

Persone wie betrokke wil raak en wat moontlik hul vaardighede kan aanwend tot hulp van 4 Lines se inisiatiewe is welkom om ons te kontak. Dit bly ‘n voorreg om HOOP deur sport uit te dra.

Groot dank aan ons Vader wie aan ons die gawe van afrigting gegee het. Dit is ‘n vreugde om dit te deel. Baie dankie ook vir elke persoon wie vir 4 Lines bid. Kontakbesonderhede: Hendré Smit of Ilse Anthonissen 

“Coaching ordinary principles for extraordinary results”

Vir die wat na Sondag se diens by die kerkgebou kom, hier is 'n kaart om dinge bietjie makliker te maak.

Die tema vir Sondag 11 Oktober se eredienste is “Wat is my beeld van God?” en die Skrifgedeeltes Eksodus 34:6-7 en Hosea 11:8-9. Almal van ons het ‘n sekere beeld van God. Dit kan gebeur dat ons net een beeld of een eienskap van God beklemtoon soos bv God se heiligheid of God se liefde. Dit kan ook gebeur dat ons ons eie God probeer skep wat by ons persoonlikheid pas.

Eksodus 34 en Hosea 11 getuig oor verskillende eienskappe van God. God is anders as die mens en dit is moeilik om Hom in een beeld of een eienskap vas te vang. Ons is bevoorreg om die veelkantigheid van God in sy Woord en saam met medegelowiges te leer ken.

God het Homself ook bekend kom maak deur sy Seun Jesus Christus (Johannes 1:18). Het jy ‘n behoefte om meer van God te ontdek?

Onthou die dienste word steeds uitgesaai op ons webblad en YouTube-kanaal. Sondag se deurkollekte gaan vir Musica Dei.

Ons het ‘n nuwe selfoonnommer vir die Gemeente se Whatsapp-groep, ongelukkig is daar ‘n probleem met die vorige nommer. Wees egter nie bekommerd as jy reeds op die groep is nie, jy bly steeds op die groep ingeskryf en hoef dit dus nie weer te doen nie. Die nuwe selfoonnommer is: 065 244 8952. Om deel te word van die groep en so die inligting van die kerk te kry, gebruik die onderste skakel op jou selfoon en jy word outomaties op die groep geplaas: https://chat.whatsapp.com/G798zGo4z4EG4CBQO8RPDz. Stuur ook die skakel vir ander mense wat op hierdie manier die Gemeente se inligting en aktiwiteite wil ontvang.

Top