'n Passie vir God

 
en 'n hart vir mense en 'n wêreld in nood

Ja asseblief, want jy help ons om die administrasie makliker te maak en Sondae ook meer gasvry en veilig vir almal te wees. Volgens Covid-regulasies moet ons steeds ‘n bywoningslys byhou, asook temperature neem en ‘n veilige afstand handhaaf. Die hoeveelheid mense wat in die gebou mag wees is vermeerder na 250 mense en dit kan ‘n opeenhoping veroorsaak as almal eers moet inteken by aankoms voor die erediens.

Om dit vir almal makliker te maak, kan jy vooraf op die webblad, kliek hier, bespreek of ‘n epos met jou naam, telefoonnommer en diens van jou keuse stuur na Hierdie e-posadres word van Spambotte beskerm. Jy moet JavaScript ontsper om dit te lees.. As jy nie kan bespreek nie, sal ons probeer om vir jou plek te maak, so kom steeds asseblief. Indien jy nie kerk toe kan kom nie, onthou daar is baie ander maniere wat jy die diens kan volg op ons webblad en YouTube-kanaal.

Harmonie projek wil jou graag help om jou verhoudings met God, jouself en jou geliefdes te herstel. Ons doen dit deur:
• emosionele en praktiese ondersteuning waar nood is met bv die aankoop van data, lugtyd, kospakkies en skoolfondsbydraes.
• geestelike begeleiding met die kursusse wat ons aanbied. Ons 13 weke reeks van GriefShare, Single&Parenting, DivorceCare, DivorceCare4Kids, Boundaries with Kids en Surviving the Holidays begin op Donderdag 3 Junie 2021, kliek hier vir die datums. Koste: R300 (sluit werkboek en 13 weke kursus in). Daar is borgskappe beskikbaar indien jy dit benodig.>>

Lees verder: Word jou gesin geraak deur dood, egskeiding of enkelouerskap?

Ons verwelkom graag vir Claude Furniss en vrou, Simoné, en twee kinders. Claude is ons nuwe Oudiovisuele Beampte en bring saam met hom hope ervaring en energie! Mag jul baie tuis voel hier by Helderberg, Claude.

As jy God een vraag kan vra, wat sal dit wees? Die skrywer, Peter Burton besoek meer as 100 skole om agter te kom wat leef in die harte van jong Suid-Afrikaners. Wat is dit wat jongmense vir God sal wil vra? Die terugvoering is eerlik, soekend en hartroerend. As ons reflekteer oor die afgelope Paastyd dan nooi God ons nou om verder te stap. Watter konneksie is daar tussen God se plan vir die wêreld en dit wat leef in die harte van jongmense? Hierdie komende Sondag gesels ons saam oor die verhaal van die verlore seun. God skep ’n veilige ruimte vir ons om tuis te kom. Hy nooi ons uit om deel te wees van Sy familie.

Sondag is hierdie ons nuwe leraar, Deon Els, se intreepreek. Ons sou graag ‘n groot fees wou hou om hom welkom te heet, maar sal dit doen wanneer die inperkings dit toelaat. Baie welkom Deon, ons hoop jy en jou gesin is baie geseënd hier by Helderberg Gemeente. Kom deel saam in Sondag se diens deur dit in die kerk by te woon (sien skakel hieronder) of kyk dit op ons YouTube-kanaal.
Die deurkollekte gaan vir dankoffers.

Bespreek hier vir Sondag se dienste in die kerk: https://forms.gle/YMFDbREp33YEhsfc7. Elke Maandag word die nuwe week se vorm op die webblad gelaai.

Sondag is Deon Els se intreepreek. Ons sou graag ‘n groot fees wou hou om hom welkom te heet, maar sal dit doen wanneer die inperkings dit toelaat. Baie welkom Deon, ons hoop jy en jou gesin is baie geseënd hier by Helderberg Gemeente.

Top