In 2022 was geleenthede vir uitreik, opleiding en ondersteuning aan afrigters en gemeenskapsleiers meer, maar nog steeds nie waar dit voor die Covid 19-pandemie was nie.

Vroeg in die jaar is ‘n baie geslaagde “Holistic Sports Coaching” werkswinkel aangebied vir ‘n aantal gemeenskapsafrigters in en om Onrusrivier by die NG Kerk Onrusrivier se kapel. Onderwerpe wat bespreek is sluit “The heart of the coach”, “P- in Coaching”, asook die 4 Lines sport & Life grid in. Ons sien uit na die volgende geneentheid om verder saam met hierdie afrigters te reis en in hul lewens in te bou.

In Piketberg, Mitchellsplein, Kayamandi en Faure is voortgegaan om afrigters en gemeenskapsleiers te ondersteun en te bemoedig. Megan het vir Linda by Faure gehelp in Hendré was betrokke ter ondersteuning van die afrigter by Faure rugby klub.>>

Twitter

Lees verder: Getuienisgeleentheid: 4 Lines Sports Coaching

Wat ‘n lekkerte was dit nie om die afgelope Vrydagaand die jaarlikse Graad 1-3 oorslaap weer te kon aanbied nie. Na twee jaar se uithonger en uit mis was die opgewondenheid groot. Dit was net matrasse, beddegoed, kussings, groot glimlagte en hope energie met almal se aankoms.

Daar is speletjies gespeel op Talanja se speelgrond terwyl die afwagting groot was vir hul pizza-aandete. So wonderlik dat ons gemeente-kinders ook die Tent kan geniet. Daarna het ons lekker die Here geloof en prys en saamgesels oor vriendskap. Teen 24:15 en twee flieks later, was die liggies byna almal uit met net so ’n paar langasems. Daar is maar min geslaap en teen 05:00 het die manne reeds begin roer. Lekker moeg, maar met groot glimlagte is die kinders huis toe teen 08:00. ’n Groot dankie aan al die helpers (groepleiers en tieners) wat saam gespeel het en help ogie hou het oor die kinders. Julle is ysters.

Ek vertrou dat daar nog lank gesels gaan word oor die uitslaap by die kerk en dat daar asseblief weer volgende jaar of selfs vir die groter kinders ook ’n oorslaap gereël word.

Lizl Botha

Twitter

Die woord “koning” is steeds vandag nog vir my so bietjie vreemd. Ek dink dadelik terug aan my kinderdae. Storieboeke teken die koning nou nog met ’n groot troon, swaar septer en ’n roemryke kasteel met groen lande sovêr as wat die oog kan sien. Dis hoe ’n koning moet lyk. Hierdie beeld is hoog op aanskou daar in 2 Konings 14 as daar vertel word van die konings wat oor Israel regeer het. En dan blaai ons vêrder na die boek van Johannes. Ons word gelei om hierdie kosbare prentjie agter te los want Jesus verskyn op die toneel. Saam met Jesus bring Hy ’n nuwe Koningskap, ’n nuwe manier en ’n nuwe lewe.

Sondag bely 25 jongmense hulle geloof. Die vraag wat ons by wil stilstaan is om te vra maar hoe sluit ons as Kinders van God aan by Jesus se Koningskap in ’n gebroke wêreld? Hoe bereik my lewe Koning Kind status in ’n wêreld wat mag en gesag behep is?

Nooi iemand saam met jou na een van ons eredienste. ’n Uitnodiging is so gereeld die begin van ’n nuwe lewe in Jesus.

Deon Els

Twitter

Ons benodig die dienste van 'n Sondagkoster, sien die besonderhede hierby ingesluit. Stuur asseblief jou motiveringsbrief en kort CV aan Hierdie e-posadres word van Spambotte beskerm. Jy moet JavaScript ontsper om dit te lees.

Twitter

Hierdie groepie kom elke Sondag bymekaar, wanneer hulle lekker saam sing en gesels. Vir enige navrae kontak vir Ulrich Barnard by 079 692 8300 of Leané Gouws by 079 917 8175.

Twitter