Wil jy graag ander ontmoet met dieselfde belangstellings of sport as jy – dan is ons Kuiergroepe net vir jou. Kom ontmoet ons gerus die volgende twee Sondae (19 en 26 Januarie) na die oggenddienste in die Tent en vind uit waaroor dit gaan. Daar is lyste waar jy kan aandui waarin jy belangstel bv fotografie, kunsgroep, leesklub, stafgroep ens. Enige persoon wat ‘n klub of groep wil begin of belangstel om deel van een te raak stuur ʼn e-pos aan Hierdie e-posadres word van Spambotte beskerm. Jy moet JavaScript ontsper om dit te lees..

Twitter

Marizanne Pfeil word hierdie Sondag bevestig by Hoop Geloofsgemeenskap en ons het haar 'n paar vrae gevra:

Hoekom het jy besluit op Hoop Geloofsgemeenskap? Wat het jou laat dink dis die plek vir jou?
Toe ek vir die eerste keer by Hoop Geloofsgemeenskap kom en sien hoe die mense om tafels gesels, lag en deelneem was ek dadelik aangetrokke tot hierdie alternatiewe manier van bymekaar kom as kerk. Ek glo dat in die mense van Hoop Geloofsgemeenskap lê daar die potensiaal om deur sulke aktiewe deelname by mekaar te leer en verhoudings te vestig en te bou waardeur die geloofsgemeenskap waarlik ‘n baken van hoop word daar waar hulle leef. Ek was net te nuuskierig en opgewonde oor hoe God in en deur hierdie gemeenskap leef om nie deel te raak van hulle nie.

Hoekom wou jy vir predikant gaan swot?
Ek wou eintlik ‘n sendeling word en het besluit om teologie te studeer sodat ek meer toegerus in die sendingveld kan ingaan, maar niks gebeur toevallig nie en hoe meer ek betrokke geraak het by gemeentes in my studentejare, hoe meer het ek besef om in ‘n gemeente betrokke te wees is my passie. Ek het in ‘n artikel gelees dat sendingveld nie ‘n plek daar vêr weg is oor lands-grense is nie, maar dat sendingveld elke gemeente is en elke persoon wie jy tegemoet kom, en voor die einde van my eerstejaar het ek besluit dat ek ‘n predikant wil word en my passie vir bediening wil uitleef in ‘n gemeente.>>

Twitter

Lees verder: Leer my ken - Marizanne

Ons is opgewonde oor ons meditatiewe dienste vir die komende jaar. Nadat daar opnuut gekyk is na ons eredienste en eredienstye, en ook as gevolg van die herstrukturering van ons predikantsposte, is daar besluit om in 2020 voort te gaan met slegs een meditatiewe diens om 08:00. Dieselfde prediker wat die meditatiewe diens lei, sal dan ook die erediens by Helderberg Village om 10:00 lei.

Twitter

Die kerkkantoor is oop:
Vanaf 4 Desember:
Skoolvakansie: 8:00 - 13:00
Gesluit: 20 Desember 2019
Open: 6 Januarie 2020

Twitter

Marizanne Pfeil het die beroep aanvaar (termynbepaalde pos van 2 jaar met opdrag om Hoop Geloofsgemeenskap as predikant te bedien) en word op 12 Januarie by Hoop Geloofsgemeenskap as predikant georden en bevestig.

Twitter