Reis saam vanaf 28 November tot 25 Desember en kom ontdek wat die groot geskenk van Kersfees is. Daar is vir elke Sondag, asook Kersdag ‘n gesprekskaart wat huise kan gebruik om saam te dink oor Kersfees.

Die pakkie is so benader dat dit aanvullend by die leesrooster gebruik kan word en ook saam met die Dinkjeug Familie App.

Lizl Botha gaan dit ook hierdie Sondag begin met die kinderdiens, kliek hier vir die maak van die pakkie.

Twitter

Hierdie Sondag staan in die kerk bekend as die Sondag van Hoop. Dit is die eerste Sondag van die Adventstyd. Advent is die maand van afwagting en uitsien na Kersfees. Ons gaan lees uit Jeremia 33 wat in die middel van moeilike tye die mense aanmoedig om hulle kop op te tel. Daar is goeie dae wat kom! Die woorde van Jeremia was meer as leë beloftes. Die Goeie Nuus het waar geword!

Aan die einde van ‘n moeilike jaar word ons ook uitgenooi om ons kop op te tel. Die Goeie Nuus van die Messias is meer as hol beloftes – dit is waar ook in 2021.

– Danie Möller

Ons sien jou Sondag in die kerk:
Klassieke diens 08:00
Meditatiewe diens 08:30
Informele diens 09:30
Kiddiekerk 09:30
Aanddiens (Kapel) 19:00

Twitter

Strydom Bruwer (61) het ’n beroep aanvaar na die PKN gemeente Kudelstaart (Amsterdam), Nederland en sal DV in Januarie 2022 daar begin. Hy was die grootste deel van sy bediening predikant by Gordonsbaai gemeente (1989-2018). Vanaf 2018 tot 2020 was hy betrokke by Bybelmedia en ook gekoppel aan Helderberg gemeente. Stydom was veral betrokke by die meditatiewe dienste.

Strydom is seker een van die predikante wat die meeste mense ken en hulle name kan onthou. Hy het ’n passie om ’n verskil te maak in die lewens van alle mense. Strydom skryf die volgende gedagtes oor dit wat vir hom vreugde gegee het in die bediening en betekenisvol was: “Die voorreg om met mense ’n pastorale pad te kon stap en in hul lief en leed te deel was van die fasette van my bediening wat vir my baie betekenisvol was. Die feit dat ek lank in die gemeente in Gordonsbaai was, het dit moontlik gemaak om sinvolle verhoudings met mense te bou. ’n Geleentheid wat groot vreugde vir die hele gemeente verskaf het was die inwyding van ons Lofsentrum in Gordonsbaai. Ons meer as 100 jaar oue pragtige kerkgebou in Kusweg, met haar mooi uitsig oor die see, het later nie meer voldoende akkommodasie verskaf vir ’n dorp en gemeente wat vinnig gegroei het nie. Daarom was die bou en inwyding van die Lofsentrum in 2017 ’n vreugdevolle mylpaal en geleentheid.”>>

Twitter

Lees verder: Strydom Bruwer vertrek na Nederland

Ons het gesien hoe God laagtepunte in hoogtepunte verander. Hoe beperkinge nuwe deure oopmaak. Soveel seën op die werk wat gedoen is te midde van vele uitdagings wat oorkom moes word. Ons sien God se voorsiening vir die projekte. Die impak van die projekte in die gemeenskappe waar bedien word. Ons sien God se hand in alles.

Die Uitreikbestuur bring ‘n getuienis van eenheid, vertroue, ondersteuning en ‘n gevoel van “behoort aan” aan die projekte.>>

Twitter

Lees verder: Uitreikbestuur/Uitreikbedieningspan sê dankie

Wil jy deel word van die span en mense verwelkom by die dienste of dalk ‘n barista wees? Ons wil graag ‘n barista-kursus aanbied.

Twitter