Vir ons WINE&DINE in styl op 15 November gaan een van ons lidmate, Anita Streicher vir ons 'n prettige blindproe-kompetisie aanbied. Sy is die kaptein van Team SA – die ‘Springbok’ wynproe-span wat onlangs in Frankryk aan die ‘World Blind Wine Championships’ deelgeneem het. Die kompetisie vind jaarliks plaas in ‘n gesogte wynarea van Frankryk, hierdie jaar se kompetisie was in die Loire Vallei en die jaar het hulle teen 27 ander lande meegeding en die 12’de plek behaal.

Moenie hierdie geleentheid misloop nie. Koop asb kaartjies teen 11 November by die kerkkantoor of Hierdie e-posadres word van Spambotte beskerm. Jy moet JavaScript ontsper om dit te lees. teen R300pp (3-gang maal met De Grendel wyn ingesluit). Charles Hopkins van De Grendel is ons gasheer vir die aand.

Ons Dienssentrum is in die bevoorregte posisie om voedsel te voorsien aan gesinne in nood in ons eie gemeente, sowel as Moedergemeente Somerset-Wes. Bo en behalwe die kospakkies wat ons vir die gesinne pak, word daar ook klere en huisraad voorsien aan die gesinne en projekte.

Aangesien ons nie self die geriewe het om voedsel voor te berei nie, is ons afhanklik van donateurs. Ons bedien ook ‘n hele klompie projekte in die gemeenskap, MAAR om te kan gee, moet jy ook ‘n bron hê wat verskaf, want ons gee weekliks vir meer as 2 000 mense kos.

Western Cape Lubricants is die wonderlike mense wat ons bakkie vir ons borg wat sewe dae ‘n week ry om kos op te tel by verskeie donateurs soos byvoorbeeld Pick ‘n Pay en Woolworths Waterstone, Romans Pizza Strand en Somerset-Wes en SPAR Heldervue en Helderbosch. Deli Fresh en King Pie is ook van ons groot borge wat voedsel betref. Baie dankie aan hierdie instansies, sonder julle oop harte en hande sou ons nie so ‘n groot verskil kon maak in soveel mense se lewens nie.>>

Lees verder: Getuienisgeleentheid: Dienssentrum

3-17 November - geen tienerdissipelskap nie
24 November - afsluiting van Tienerkerk met ʼn fliekaand
24 November - junior jeug se afsluiting met familiekersdiens

 

Vir ons Wine&Dine in styl op 15 November het ons Charles Hopkins van De Grendel wyne, as ons gasheer vir die aand. Hy is by De Grendel sedert die eerste wyne gemaak is. Sir David Graaff het hom destyds die geleentheid gebied om die wynmaker van die nuwe Estate te wees en die nuwe wynkelder te ontwerp en ontwikkel. Charles is een van SA se hoogs aangeskrewe wynmakers en ‘n lid van die Cape Winemakers Guild. Hy is passievol oor wynmaak en ons sien uit na die aand saam met hom.

Dit behels ‘n driegang “food and wine pairing” met De Grendel wyne, blind-proe kompetisie vir ‘n bietjie pret en goeie musiek. Drag: Smart casual. Kaartjies voor 11 November by Hierdie e-posadres word van Spambotte beskerm. Jy moet JavaScript ontsper om dit te lees. teen R300pp. Moenie dit mis nie.

“Nie soos ek gedroom het nie” is die tema vir Sondag en die teksgedeelte is Habakuk 3:17-19. Ons droom oor die beloofde land, maar dit kan gebeur dat hierdie “beloofde land” nie lyk soos ek gedroom het nie. Die bidder van Habakuk 3 het gedroom oor ’n beloofde land met ’n oorvloed van vrugte, kleinvee en beeste. Ongelukkig het dit nie gebeur nie, maar gelukkig besef hy dat die Here steeds by hom is en steeds vir hom krag gee. Wees Sondag deel van die reis.

Top