Dienste word lewendig uitgesaai op YouTube, gaan na YouTube en teken in by Helderberg Gemeente.
Eredienstye (somer):
08:00 Klassieke diens
08:30 Meditatiewe diens
09:00 Hoop (Sitari) - skoolsaal van Curro Skool
09:30 Informele diens
09:30 Kiddie- en Tekkiekerk
10:00 Helderberg Village - Kilberry saal
18:00 Tieners
19:00 Aanddiens
(Wintertye begin op 2 Junie 2024)
Tipiese aktiwiteite gedurende die week:
Dinsdagoggend – gebedsgroep wat bid vir die kerk en die land van 06:00-06:45, kom bid saam al kan jy dit net een keer per maand doen.
Woensdagoggend – Kreatiewe Kuiergroep kom elke 2'de Woensdag in die Tent bymekaar om 10:00. As jy lus het om iets kreatief te doen kontak vir Magdel by 082 400 0903.
Donderdagoggend – Bybelstudiegroepe. As jy wil inskakel by ‘n groep kontak vir Ina van Niekerk by 082 578 9893 (dames) of Johann Swart by 082 928 7596 (mans).
Vrydagoggend – Manne Bediening kom bymekaar in die Kapel om 06:00, hulle bid saam en gesels saam. Kontak vir Jaco by 083 675 5687 of Leon by 081 019 0710 indien jy meer wil weet.
Dan is daar ook verskeie omgeegroepe en wyksgroepe, asook ‘n groep vir jong werkendes. Gesels met René meer hieroor by Hierdie e-posadres word van Spambotte beskerm. Jy moet JavaScript ontsper om dit te lees. of 021 851 5582, sy kan vir jou meer vertel oor al die kleingroep.
Uyavula beteken ‘maak oop’
By Uyavula is ons baie dankbaar en bevoorreg om op ‘n maklike, eenvoudige en genotvolle manier hoop te bring. Ons doen dit deur vir kinders deur middel van stories, boeke en geletterdheid met Jesus se liefde te bedien.
Ons sien die slegte werklikhede rondom ons en die nood soos byvoorbeeld dat 81% van graad 4-leerders nie met begrip kan lees nie; ‘n kind wat nie kan lees nie, kan nie leer nie en het nie veel van ‘n toekoms nie. Boonop het die meeste kinders ook nie die “taal” om hul seer, frustrasies en innerlike behoeftes te verwoord nie en dit benadeel hul skoolvordering. Daarbenewens erken baie opvoeders hulle is totaal uitgeput, oorweldig en moedeloos gesukkel. Juis daarom is Uyavula dankbaar vir die geleentheid en middele waarmee die Here ons seën om op ‘n maklike én boonop baie “lekker” wyse ‘n verskil te kan maak en hoop te bring.
Dit doen die Uyavula-lesers eenmaal per week wanneer hulle kinderharte aanraak met ‘n boek, storie én hul opregte omgee. Wat ‘n voorreg om te kan ervaar hoe kosbare verhoudings gebou word, kinders die wonderwêreld van stories geniet en om te beleef hoe opvoeders die ondersteuning waardeer (asook ‘n bietjie “lafenis” kry). En die voorlesers stap boonop weg met nuwe blinkoog energie…
Die voorlees maak ook ‘n positiewe verskil in die lewens van hierdie kinders wat smag na liefde en aandag. Boonop is dit vervullend om te beleef hoe die kinders hulle in die heerlike wonderwêreld van stories verlustig. Opvoeders vertel van talle kinders wat sogenaamd ontwrigtend optree, wat ongedissiplineerd is of wat emosioneel swaarkry, wat ten goede begin verander. (Luister gerus tydens ons getuienisbeurt in die diens na die pad wat Estelle met ‘n seun stap.)
Volgens die opvoeders is die Uyavula-leesdag verreweg die kinders se gunsteling dag van die week. Opvoeders (waarvan een erken dat sy “moeg geraas en geskel” is) sê onder andere:
…die kinders kan nie wag vir hul leesdag nie… Hulle leer nuwe woorde…dinge waarby ons nie uitkom nie… Die stories leer hulle baie…Maatjies wat gewoonlik nie stil sit nie, luister na hul tannie…Sy probeer om elke maatjie te onthou, wat baie mooi (van haar) is, al is dit net ‘n klein ietsie van hulle [die maatjies]…ek weet sy bid vir die maatjies en vir my…Ek leer selfs by haar hoe om my stories meer interessant te maak…Baie dankie…Ons sê almal ‘JA’ vir [meer] lesers…Ons kan nie daarsonder nie…
Dis heerlik om te weet dat iets so genotvol en vervullend ook akademiese waarde toevoeg. Onlangse navorsing beklemtoon weereens die belangrikheid van voorlees as die noodsaaklike begin van geletterdheid, omdat dit bv taalvaardighede, woordeskat, kreatiwiteit, verbeelding, kritiese denke en kommunikasievaardighede bevorder. Voorlees maak nuwe wêrelde, ervarings en moontlikhede oop en kweek by vele boek-arm kinders ‘n liefde vir lees. Sommige kinders “verslind” boeke en hulle vertel dat stories vir hulle hoop bring, want dit wys dat hulle ook vooruitgang sal kan maak en ‘n beter lewe vir hulself (en hulle nageslag – dus ‘n rimpel-effek) sal kan bewerkstellig.
By Uyavula is ons dankbaar teenoor die Here vir baie seëninge, naamlik toegewyde voorleser (vrywilligers), asook vir elkeen wat op een of ander wyse ‘n bydrae lewer deur hul donasies, boekskenkings en gebede. Dankie Uitreikbestuur en die lidmate van die Helderberg en die Omgee-gemeentes vir jul ondersteuning.
Vir Uyavula begin verandering by ’n omgee-hart, stories en boeke. Help ons asseblief om ‘n verskil te maak deur:
o Jou tyd te gee om vir een graad 1 tot 3 klas voor te lees
o Vir net een kind voor te lees en liefde te gee
o Donasies vir nuwe kinderboeke
o Skenkings van netjiese gebruikte boeke vir kinders 5 tot 14 jaar.
Kontak vir Amanda de Villiers by 082 326 1396 of Hierdie e-posadres word van Spambotte beskerm. Jy moet JavaScript ontsper om dit te lees.
Kuier vir ons:
Facebook-blad: The Uyavula Reading and Writing Project
Instagram: uyavula
Tel: 021-851 5582
Noodnommer: 083 988 2003
epos: Hierdie e-posadres word van Spambotte beskerm. Jy moet JavaScript ontsper om dit te lees.
-boodskappe: 074 271 1589
Facebookgroep
Word gerus deel van ons Facebookgroep met die naam: Helderberg Gemeente gesels lekker
Word deel van ons WhatsApp-groep
Wil jy die skakels na die preke en ander inligting kry op WhatsApp, kliek op die skakel hieronder met jou selfoon en word outomaties deel van die groep:
https://chat.whatsapp.com/HK219PoUcN4LOmoGy4GDt0
Of gebruik die QR kode:
- maak WhatsApp oop
- gaan na settings
- maak die QR kode langs jou naam oop
- scan ons QR kode
Bid saam met ons vir die volgende mense:
Andre le Grange – ernstig siek
Robin Furniss – herstel na operasie
Fanie Roux – kanker
Marni Rischmuller se ma Maritha – kanker
Bazil Nunes – ICU, verswak
Issie Ponelis – kanker
Elmine Stickling – kanker
Jan Brits – herstel na operasie
Francois Roux – sterk tuis aan
Cecilia Lötter – sterk tuis aan
Emmie van Tonder – kanker
Susan Crafford – verswak
Ons is dankbaar:
- vir die riglyne in die Bybel
- dat U ‘n doel het met ons lewe
- dat U ons bevry van vrees
Moet ons vir jou bid? Laat weet ons asseblief by die kerkkantoor: 021-851 5582 of onderlingesorg@nghelder.co.za
In die liefde is daar geen vrees nie. 1 Johannes 4:18a
Liewe Lidmaat
Die POPI inligtingswet is vanaf 1 Julie 2021 inwerking en ons bevestig hiermee dat lidmate se persoonlike inligting veilig hanteer en bewaar word. Lidmate kan dmv ons webblad aansoek doen (kliek hier) om toegang tot hulle inligting te verkry. Vir verder navrae kontak gerus ons Inligtingsbeampte, Grazie Beets, by Hierdie e-posadres word van Spambotte beskerm. Jy moet JavaScript ontsper om dit te lees.
Kliek asb op die skakel hieronder vir meer inligting oor die Covid-19 virus