Dienste word lewendig uitgesaai op YouTube, gaan na YouTube en teken in by Helderberg Gemeente.
Eredienstye (somer):
08:00 Klassieke diens
08:30 Meditatiewe diens
09:00 Hoop (Sitari) - skoolsaal van Curro Skool
09:30 Informele diens
09:30 Kiddie- en Tekkiekerk
10:00 Helderberg Village - Kilberry saal
18:00 Tieners
19:00 Aanddiens
(Wintertye begin op 2 Junie 2024)
Tipiese aktiwiteite gedurende die week:
Dinsdagoggend – gebedsgroep wat bid vir die kerk en die land van 06:00-06:45, kom bid saam al kan jy dit net een keer per maand doen.
Woensdagoggend – Kreatiewe Kuiergroep kom elke 2'de Woensdag in die Tent bymekaar om 10:00. As jy lus het om iets kreatief te doen kontak vir Magdel by 082 400 0903.
Donderdagoggend – Bybelstudiegroepe. As jy wil inskakel by ‘n groep kontak vir Ina van Niekerk by 082 578 9893 (dames) of Johann Swart by 082 928 7596 (mans).
Vrydagoggend – Manne Bediening kom bymekaar in die Kapel om 06:00, hulle bid saam en gesels saam. Kontak vir Jaco by 083 675 5687 of Leon by 081 019 0710 indien jy meer wil weet.
Dan is daar ook verskeie omgeegroepe en wyksgroepe, asook ‘n groep vir jong werkendes. Gesels met René meer hieroor by Hierdie e-posadres word van Spambotte beskerm. Jy moet JavaScript ontsper om dit te lees. of 021 851 5582, sy kan vir jou meer vertel oor al die kleingroep.
Die Sri Lanka Projekspan het onlangs 20 jaar van ons betrokkenheid met die Christian Reformed Church van Sri Lanka (CRCSL) gedenk is nog steeds betrokke by 3 bedieningspunte.
As gevolg van veiligheidsredes wil ons eerder nie name en dorpe noem nie omdat hulle dalk onnodig blootstel kan word. Die projek befonds die 3 evangeliste se vergoeding, programme en toerusting. Ons het ‘n nuwe memorandum van verstandhouding onderteken wat ons werksaamhede en verhoudinge net nog verder verbeter.
Ons Uitreikbestuurder, Melanie Smit, ons vorige Uitreikbestuurder en verteenwoordiger van NG Kerk Constantia (vennoot van Helderberg Uitreik en Sri Lanka Projek), Louise Theron en die Projekleier Paul Kilian het in November 2023 besoek afgelê by ons vennoot en die missiestasies. Ons het ook vir Melanie Smit blootstelling gegee aan die kultuur en voorgestel aan al die verkillende rolspelers.>>
Ons kan rapporteer dat meer as die verwagte werk gedoen word. Die evangeliste is baie innoverend om die Woord op kreatiewe maniere by onbereikte gemeenskappe te kry. By die bedieningspunte kom mense tot bekering, dissipelmaking vind plaas, daar word intens in jeugleierskap geïnvesteer, die kerk groei en kerkplanting vind plaas. Uit die bedieningspunte ontstaan nog kleiner gemeentes wat ook fluks groei, inaggenome van die slegte ekonomiese omstandighede.
Die missiestasies se manier van kerk wees het my weer laat besef hoe nodig dit is om terug te gaan na die basiese toe. Byvoorbeeld was ons genooi na ‘n lidmaat se huis om die Here se seën op ‘n aanbou projek toe te bid. Ons het almal die geleentheid gekry om ‘n klip met sement in die fondasie te sit. Ek dink aan ons eie kerk se hoeksteen wat half verborge is en wonder hoe die hoeksteen seremonie gehou was in 1969. Dit het my diep geraak weens die feit dat hulle niks wil aanvat sonder die Here se seën nie. So wou hulle ook gehad het dat ons vir hulle moet bid, al verstaan hulle nie ons of die Engelse tale nie.
Louise het ‘n opvolg werksessie aangebied oor Trauma Incident Reduction en ‘n konferensie aangebied met die tema “Creating spaces for women to shine for Jesus”. Dit is bygewoon deur 81 vrouens uit die CRCSL se geledere van heinde en ver. Die vroue het die geleentheid gehad om hulle Skeppingsdoel te ontdek en te dink oor hul eie rol in hul gemeenskap, kerk en land. God is besig om die vrou se rol in die kerk meer prominent te maak. Om hierdie groei te sien, te ervaar en positiewe terugvoering te kry oor hoe hulle groei, maak ons bly en nederig. Hulle groei maak dat ons ook geestelik groei. Dit is juis dit waarvoor ons dit doen, om betrokke te wees waar siele gewen word vir Jesus Christus. Ons is gehoorsaam aan God se Woord om uit te reik na alle nasies, al het ons ook ons eie plaaslike uitdagings.
Die Projekspan, wat bestaan uit Dalena Spies, Louis Visagie, Louise Theron, Johan van Niekerk, Annemarie Hollenbach en Paul en Marianneke Kilian is deurgaans in noue kontak met ons vennote en die evangeliste. Ons ontvang en deel gereeld gebedsversoeke wat maak dat ons bewus is van mekaar se lief en leed. Groei is die dryfkrag wat maak dat ons betrokkenheid so kosbaar is.
Die CRCSL het dit weereens beklemtoon dat hulle ons nodig het, nie net finansieel nie, maar ook met wedersydse ondersteuning en geestelike verhoudinge. Ons is lief vir mekaar. Ons weet hulle kry swaar, maar hulle groei so dat hul geloof verdiep in God. En die beste van alles is dat hulle altyd gasvry en vriendelik is. Dis so al of God se liefde en hul geloof in Hom genoeg is.
Die projekspan kan met trots aankondig dat Constantia NG Gemeente en Somerset-Wes NG Moedergemeente nou ook ons plaaslike vennote is en elkeen ‘n evangelis van ‘n missiestasie se salaris betaal, natuurlik alles onder die vaandel van Helderberg Uitreik. Ons beoog om nog ‘n vennoot te vra om betrokke te wees sodat volgehoue ondersteuning en betrokkenheid kan voortgaan.
Helderberg Uitreik beplan ‘n korttermyn uitreik na Sri Lanka, hou dus gerus die afkondigings dop.
Die Projekspan verkeer tans onder ernstige finansiële druk wat daartoe lei dat ons nie die missiestasies kan ondersteun met bedienings- inisiatiewe en onderhoud van toerusting nie. Die rekenaar by die een missiestasie moet dringend vervang word, maar ons kan dit nie nou betaal nie. Hulle uitreik- inisiatiewe behels onder andere voedings- en Kersfees- programme, kampe, mediese hulp, Engelse klasse en kursusse. As gevolg van die “Anti Conversion Law” in Sri Lanka, kan en mag verlorenes nie direk genader word om die Evangelie van Jesus te verkondig nie, daarom die uitreik- inisiatiewe. Ons sal julle bydraes baie waardeer, en as iemand weet van moontlike donateurs om ons asseblief te kontak. Kom raak betrokke by die Projekspan deur saam met ons te bid, ons te help met die reël van fondsinsamelings en om die kommunikasie aan die vennote te hanteer.
Gebedsversoeke:
• Die beskerming van die CRCSL gemeentes in Sri Lanka;
• Die volgehoue uitbreiding van God se Koninkryk in hierdie pragtige land; en
• Projekspanlede wat veral kan help met bemarking en fondswerwing.
Indien jy graag wil deel in hierdie projek, maak gerus kontak met ons. Ons wil graag hierdie ervarings met julle deel en julle op hoogte hou. Ons het jul gebede, bydraes en belangstelling baie nodig.
Kontak gerus die Projekleier, Paul Kilian, by 083 626 4965 en of epos by Hierdie e-posadres word van Spambotte beskerm. Jy moet JavaScript ontsper om dit te lees.
Seën
Paul Kilian
Tel: 021-851 5582
Noodnommer: 083 988 2003
epos: Hierdie e-posadres word van Spambotte beskerm. Jy moet JavaScript ontsper om dit te lees.
-boodskappe: 074 271 1589
Facebookgroep
Word gerus deel van ons Facebookgroep met die naam: Helderberg Gemeente gesels lekker
Word deel van ons WhatsApp-groep
Wil jy die skakels na die preke en ander inligting kry op WhatsApp, kliek op die skakel hieronder met jou selfoon en word outomaties deel van die groep:
https://chat.whatsapp.com/HK219PoUcN4LOmoGy4GDt0
Of gebruik die QR kode:
- maak WhatsApp oop
- gaan na settings
- maak die QR kode langs jou naam oop
- scan ons QR kode
Bid saam met ons vir die volgende mense:
Marieta Viljoen - heupvervanging
Bia Kleynhans – ICU, seldsame bloedsiekte
Salome Visagie – operasie vir breingewas
Andre le Grange – ernstig siek
Robin Furniss – herstel na operasie
Fanie Roux – kanker
Marni Rischmuller se ma Maritha – kanker
Issie Ponelis – kanker
Elmine Stickling – kanker
Jan Brits – herstel na operasie
Francois Roux – sterk tuis aan
Cecilia Lötter – sterk tuis aan
Emmie van Tonder – kanker
Susan Crafford – verswak
Ons is dankbaar:
- dat U ons gemoed vernuwe
- dat U met liefde na ons kyk
- dat U my kop oplig
Rou:
André le Grange is oorlede, ons dink aan sy vrou Isolde en familie.
Moet ons vir jou bid? Laat weet ons asseblief by die kerkkantoor: 021-851 5582 of onderlingesorg@nghelder.co.za
want elkeen wat uit God gebore is, oorwin die wêreld; en dít is die oorwinning wat die wêreld oorwin – ons geloof. 1 Joh 5:4
Liewe Lidmaat
Die POPI inligtingswet is vanaf 1 Julie 2021 inwerking en ons bevestig hiermee dat lidmate se persoonlike inligting veilig hanteer en bewaar word. Lidmate kan dmv ons webblad aansoek doen (kliek hier) om toegang tot hulle inligting te verkry. Vir verder navrae kontak gerus ons Inligtingsbeampte, Grazie Beets, by Hierdie e-posadres word van Spambotte beskerm. Jy moet JavaScript ontsper om dit te lees.
Kliek asb op die skakel hieronder vir meer inligting oor die Covid-19 virus