Mense is geneig om dinge uit te stel. Ons dink ons gaan dit later doen. Ons gaan later die Here voluit dien. Ons gaan later meer tyd aan ons gesin spandeer. Ons gaan later uitreik na ’n vriend in nood. Ons gaan later meer bid. Ons gaan later vir ons bejaarde ouer kuier.

Prediker 11 en 12 roep ons op om nié uit te stel nie. Prediker 12:1 sê: Dink aan jou Skepper in jou jong dae, voordat die dae van teenspoed kom, en jare aanbreek waarvan jy sal sê, “Vir my is daar geen vreugde nie.”

Covid het ons geleer om nie uit te stel nie. Ons het geleer dat die later dalk te laat gaan wees. Nou is die beste tyd om die Here voluit te dien. Nou is die beste tyd om liefde vir ander te bewys. Moenie wag tot later nie. – Danie O’Kennedy

Ons lewende eredienste is Sondag 09:00 en 19:00. As jy nie daar kan wees nie, kan jy ook na ons YouTube-boodskap kyk of inskakel op die direkte uitsending.

Twitter

Waar Behoefte Bestaanfonds van Helderberg Uitreik
Die Waar Behoefte Bestaanfonds van Helderberg Uitreik is ‘n steunfonds vir die projekte van Helderberg Uitreik. Dit staan onder die bestuur van die Uitreikbedieningspan/Uitreikbestuur. Die uitreikprojekte kan aansoek doen om ondersteuning daaruit.

Projekte wat in die huidige boekjaar reeds ondersteuning ontvang het, is die projek vir Haweloses; Phambili Gemeenskapsontwikkelingsprojek; Uyavula Lees-en-Skryfprojek; Pêrel Projek; Internasionale Studentebediening; Makwe Missie en die Colours of India projek.

Baie dankie vir jou kosbare ondersteuning vir hierdie fonds wat die volhoubaarheid van die projekte verseker.

– Louise Theron

Twitter

Ons sien uit daarna.

Twitter

Ons hoop om die bespreking oor die Hervormers en die kerk geskiedenis af te handel, lees asseblief vir voorbereiding Filippense 2:1-11.

Hier is die skakel vir Donderdag se Zoom-sessie:
https://us04web.zoom.us/j/71375695969?pwd=MlJZeWc5VjVwaVhkdTBjenhmVVB6QT09
Meeting ID: 713 7569 5969
Passcode: bZJB3r

Twitter

Dis Oktober – die mooiste maand! Die pragtige kleure en heerlike geure van lente in die Kaap maak ons met reg opgewonde. Nie vir almal van ons nie, want in Covid-tyd het party mense wat siek word hulle reuksin verloor. Hulle mis die opgewondenheid en die vreugde van die heerlike geure van ons lewe.

Dit lyk of sommige van ons se geestelike reukvermoë en ons opgewondenheid oor die lewe en die geloof in Jesus in die tyd ook skade gely het. Dit hoef nie so te bly nie. Daar is soveel vreugde in die aangename geur van Jesus se liefde. Dit is letterlik die aangename “geur van hoop” wat ons almal in hierdie tyd so nodig het.

Kom ruik Sondag saam! Ons lewende eredienste is Sondag 09:00 en 19:00. As jy nie daar kan wees nie, kan jy ook na ons YouTube boodskap kyk of inskakel op die direkte uitsending.

– Danie Möller

Die deurkollekte gaan vir Magdalena Huis.

Twitter