Dienste word lewendig uitgesaai op YouTube, gaan na YouTube en teken in by Helderberg Gemeente.
Eredienstye (somer):
08:00 Klassieke diens
08:30 Meditatiewe diens
09:00 Hoop (Sitari) - skoolsaal van Curro Skool
09:30 Informele diens
09:30 Kiddie- en Tekkiekerk
10:00 Helderberg Village - Kilberry saal
18:00 Tieners
19:00 Aanddiens
(Wintertye begin op 2 Junie 2024)
Tipiese aktiwiteite gedurende die week:
Dinsdagoggend – gebedsgroep wat bid vir die kerk en die land van 06:00-06:45, kom bid saam al kan jy dit net een keer per maand doen.
Woensdagoggend – Kreatiewe Kuiergroep kom elke 2'de Woensdag in die Tent bymekaar om 10:00. As jy lus het om iets kreatief te doen kontak vir Magdel by 082 400 0903.
Donderdagoggend – Bybelstudiegroepe. As jy wil inskakel by ‘n groep kontak vir Ina van Niekerk by 082 578 9893 (dames) of Johann Swart by 082 928 7596 (mans).
Vrydagoggend – Manne Bediening kom bymekaar in die Kapel om 06:00, hulle bid saam en gesels saam. Kontak vir Jaco by 083 675 5687 of Leon by 081 019 0710 indien jy meer wil weet.
Dan is daar ook verskeie omgeegroepe en wyksgroepe, asook ‘n groep vir jong werkendes. Gesels met René meer hieroor by Hierdie e-posadres word van Spambotte beskerm. Jy moet JavaScript ontsper om dit te lees. of 021 851 5582, sy kan vir jou meer vertel oor al die kleingroep.
Ons hou 12 Maart Mini Basaar. Dis 'n lekker geleentheid om gesellig te verkeer met mekaar en 'n fondswerwing vir die kerk ten bate van herstelwerk aan die parkeerarea.
Wat hoor ons in die bede: “Gee ons vandag ons daaglikse brood”? Ons hoor ‘n God wat weet dat ons fisieke behoeftes in die lewe het en wat ons graag daarmee wil help. Hierdie behoefte aan “brood” word genoem vóór ons geestelike behoeftes. Die Here weet dat ons bekommerd raak oor daaglikse dinge wat ons nodig het en gee aandag daaraan.
Matt 6:30 sê: “As God dan die gras van die veld, wat vandag daar is en môre verbrand word, so versier, hoeveel te meer sal Hy dan nie vir julle sorg nie, julle kleingelowiges.” Verseker kan ons na die Here toe kom met al ons bekommernisse en sorge. Die waarheid oor God is dit: Hy het ons liewer as wat ons Hom het. Hy gee vir ons meer om as wat ons vir Hom omgee. Hy is meer gereed om ons te antwoord as wat ons met Hom praat. Hy wil ons help nog voordat ons om hulp vra. Dít is die God wat ons dien.
Ek nooi jou uit om Sondag, aan die hand van my pad met God en Sy voorsiening en troue sorg, weer verseker te kom word dat ons God ook die God is wat altyd voorsien en sál bly voorsien in ons daaglikse brood. Jy word ook uitgenooi om te kom aansit aan die feestafel en deel te hê aan die tekens van die brood en wyn wat ons kom versterk in die wete dat God ook getrou is aan Sy naam: Jahwe Jireh – Die God wat voorsien!
Dit is Sondag Lizl se intreepreek by die Klassieke diens, Informele diens en Aandkerk.
Ons nooi jou na nagmaal hierdie Sondag. Dit is ook Lizl Botha se intreepreek by die Klassieke diens, Informele diens en Aandkerk.
CS Lewis het gesê dat die wese van die hel ten diepste niks anders is nie as dat ons onophoudelik ons eie wil soek en dit wil laat geskied. Hel is dat God ons oorgee aan ons eie wil en sê: Nou goed, doen dit en dra die gevolge.
Ons staan hierdie week stil by Laat U wil geskied. Soms wonder ek of ek regtig kans sien om dit te bid, weet ek nie of ek bereid is om my beplanning en idees prys te gee om te doen wat God vra nie. Om hierdie woorde te bid is nie net om terug te sit en te wag totdat God doen wat Hy wil nie. Dit is om aktief te vra Here wat is vir U nou belangrik en dan my behoeftes terug te sit en besig te raak met wat vir God belangrik is. Gebed, die gesprek waar ons met God praat, word die plek waar God met ons praat. Maak bietjie ‘n lys met twee kolomme, aan die een kant skryf jy die dinge wat nou jou prioriteite is, waar jy jou menswees gee. In die tweede kolom skryf die dinge neer wat jy nou dink vir God belangrik is. Indien hierdie twee ooreenstem kan jy met gemak bid: laat U wil geskied. Indien nie, moet jy saam met ons kom soek voor God na maniere hoe om die twee in lyn te bring. Dit is nie net vir ons as mense moeilik nie, ook vir Jesus was dit ‘n moeilike stryd. Ons kyk hierdie Sondag saam na Matt 26:36-48.
Tel: 021-851 5582
Noodnommer: 083 988 2003
epos: Hierdie e-posadres word van Spambotte beskerm. Jy moet JavaScript ontsper om dit te lees.
-boodskappe: 074 271 1589
Facebookgroep
Word gerus deel van ons Facebookgroep met die naam: Helderberg Gemeente gesels lekker
Word deel van ons WhatsApp-groep
Wil jy die skakels na die preke en ander inligting kry op WhatsApp, kliek op die skakel hieronder met jou selfoon en word outomaties deel van die groep:
https://chat.whatsapp.com/HK219PoUcN4LOmoGy4GDt0
Of gebruik die QR kode:
- maak WhatsApp oop
- gaan na settings
- maak die QR kode langs jou naam oop
- scan ons QR kode
Bid saam met ons vir die volgende mense:
Andre le Grange – ernstig siek
Robin Furniss – herstel na operasie
Fanie Roux – kanker
Marni Rischmuller se ma Maritha – kanker
Bazil Nunes – ICU, verswak
Issie Ponelis – kanker
Elmine Stickling – kanker
Jan Brits – herstel na operasie
Francois Roux – sterk tuis aan
Cecilia Lötter – sterk tuis aan
Emmie van Tonder – kanker
Susan Crafford – verswak
Ons is dankbaar:
- vir die riglyne in die Bybel
- dat U ‘n doel het met ons lewe
- dat U ons bevry van vrees
Moet ons vir jou bid? Laat weet ons asseblief by die kerkkantoor: 021-851 5582 of onderlingesorg@nghelder.co.za
In die liefde is daar geen vrees nie. 1 Johannes 4:18a
Liewe Lidmaat
Die POPI inligtingswet is vanaf 1 Julie 2021 inwerking en ons bevestig hiermee dat lidmate se persoonlike inligting veilig hanteer en bewaar word. Lidmate kan dmv ons webblad aansoek doen (kliek hier) om toegang tot hulle inligting te verkry. Vir verder navrae kontak gerus ons Inligtingsbeampte, Grazie Beets, by Hierdie e-posadres word van Spambotte beskerm. Jy moet JavaScript ontsper om dit te lees.
Kliek asb op die skakel hieronder vir meer inligting oor die Covid-19 virus