'n Passie vir God

en 'n hart vir mense en 'n wêreld in nood

Kleuter-en Kinderpinkster (gr.1-6)
21 Mei – 28 Mei
God het nooit bedoel dat die kerk ‘n gebou moet wees nie. Die kerk is ek en jy! Ons moet Jesus se hande en voete op aarde wees. Kleuters is nie te klein om vir God te werk nie. Dwarsdeur die Bybel gebruik God kinders om sy werk te doen. Daarom is ons baie opgewonde om saam met ons kinders deur die boek Handelinge te stap hierdie jaar tydens Pinkster. Hulle gaan leer om getuies te wees in Jerusalem sowel as die hele Judea en in Samaria en tot in die uithoeke van die wêreld.

Geen rede om te dink omdat jy kleuters en laerskoolkinders in die huis het, jy nie as ouer die Pinkster-reeks kan bywoon nie. Goeie nuus. Bring jou kinders saam elke aand. Ons groter kinders en kleuters doen dieselfde reeks van KidsXpress. Jy kan jou kleuter dus met ‘n geruste hart na die Kleuterkerk lokaal neem. Die gr.1-6 kinders gaan in Joppe wees.>>

Lees verder: Die Kerk werk wêreldwyd

Gesinne in nood in ons gemeente word finansieel en maatskaplik deur die Versorgingsfonds ondersteun. Dankie vir jou getroue bydraes, kliek hier en lees meer oor hierdie bediening.

Kliek hier vir die volledige posbeskrywing. Sluit in jou aansoek, CV, relevante dokumente en twee verwysings. Stuur aansoeke aan Antoinette du Toit by Hierdie e-posadres word van Spambotte beskerm. Jy moet JavaScript ontsper om dit te lees.. Aansoeke sluit 11 Mei 2023.

Om ‘n gelowige te wees, is nie net om te wag vir die wederkoms nie, maar om vandag reeds die lewe te vat en voluit jou beste te gee. Om in jou omstandighede wat dit ook al kan wees te kies om die oorwinning van Jesus te vier. Dit is egter nie altyd maklik nie want ons word soveel keer verblind deur die wêreld om ons. Die wêreld trek 'n sluier oor ons oë en hulle maak ons glo dat dit die werklikheid is. Paulus kom sê vir ons in Efesiërs dat dit nie 'n nuwe ding is nie, maar dat dit die dieselfde plan is wat die duiwel al vir eeue gebruik. Hy help ons dan om te bid om die lewe te leef met die krag van God.

Daarom, vandat ek gehoor het van julle geloof in die Here Jesus en van julle liefde vir al die gelowiges, hou ek ook nie op om God vir julle te dank nie. Wanneer ek in my gebede aan julle dink, bid ek dat die God van ons Here Jesus Christus, die Vader aan wie die heerlikheid behoort, deur sy Gees aan julle wysheid gee en Hom so aan julle openbaar dat julle Hom werklik kan ken. Ek bid dat Hy julle geestesoë so verhelder dat julle kan weet watter hoop sy roeping inhou, en watter rykdom daar is in die heerlike erfenis wat Hy vir die gelowiges bestem het, en hoe geweldig groot sy krag is wat Hy uitoefen in ons wat glo. Dit is dieselfde kragtige werking van sy mag wat Hy uitgeoefen het toe Hy Christus uit die dood opgewek en Hom in die hemel aan sy regterhand laat sit het: hoog bo elke mag en gesag, elke krag en heerskappy, en wat daar ook al sprake van mag wees, nie net in hierdie bedeling nie, maar ook in die bedeling wat kom. Ja, aan Hom het God alles onderwerp, Hom bo alles verhef en Hom aangestel as hoof van die kerk. Die kerk is sy liggaam, die volheid van Hom wat alles in almal vervul. (Efesiërs 1:15-23)

Hierdie Sondag staan ons aan die ontvang kant van hierdie gebed kom beleef dit saam met ons.

Groete
Paul Barnard

Dinge vir die basaar vorder. Ons gaan gereeld vra waar jy dalk betrokke wil raak. Alle navrae oor die basaar kan vir Odette gestuur word by Hierdie e-posadres word van Spambotte beskerm. Jy moet JavaScript ontsper om dit te lees.