Dienste word lewendig uitgesaai op YouTube, gaan na YouTube en teken in by Helderberg Gemeente.
Eredienstye (somer):
08:00 Klassieke diens
08:30 Meditatiewe diens
09:00 Hoop (Sitari) - skoolsaal van Curro Skool
09:30 Informele diens
09:30 Kiddie- en Tekkiekerk
10:00 Helderberg Village - Kilberry saal
18:00 Tieners
19:00 Aanddiens
(Wintertye begin op 2 Junie 2024)
Tipiese aktiwiteite gedurende die week:
Dinsdagoggend – gebedsgroep wat bid vir die kerk en die land van 06:00-06:45, kom bid saam al kan jy dit net een keer per maand doen.
Woensdagoggend – Kreatiewe Kuiergroep kom elke 2'de Woensdag in die Tent bymekaar om 10:00. As jy lus het om iets kreatief te doen kontak vir Magdel by 082 400 0903.
Donderdagoggend – Bybelstudiegroepe. As jy wil inskakel by ‘n groep kontak vir Ina van Niekerk by 082 578 9893 (dames) of Johann Swart by 082 928 7596 (mans).
Vrydagoggend – Manne Bediening kom bymekaar in die Kapel om 06:00, hulle bid saam en gesels saam. Kontak vir Jaco by 083 675 5687 of Leon by 081 019 0710 indien jy meer wil weet.
Dan is daar ook verskeie omgeegroepe en wyksgroepe, asook ‘n groep vir jong werkendes. Gesels met René meer hieroor by Hierdie e-posadres word van Spambotte beskerm. Jy moet JavaScript ontsper om dit te lees. of 021 851 5582, sy kan vir jou meer vertel oor al die kleingroep.
Ek lees met ’n pyn in my hart die afgelope paar weke vir die soveelste keer of Facebook van nog ’n baba-lykie wat iewers in ’n veld of op ’n ashoop gevind is. Hoe hard is ons wêreld net nie! En hoe sag al die babagoedjies wat jy in winkels kan koop wat daardie lewelose lyfies nooit onder hulle kon voel nie. Hoe desperaat moet ’n mamma nie wees nie.
Dan lees ek ook die briefie wat ’n mamma saam met haar drie maande oue dogtertjie, wat genadiglik lewendig gevind is, gelos het: “Hi you might be wondering why I dumped my baby, don’t wonder just help her if you can or call authorities but don’t judge me. I have spoken twice with social workers they delaying to assist, I know this looks bad but I had no option the system is fragile and we can’t even abort safely anymore hospitals have strict rules.” Die mamma het haarself later aan die polisie oorgegee en is krimineel aangekla. Baie mense het baie dinge op sosiale media te sê gehad, teen en ter ondersteuning van hierdie mamma. Uit haar briefie blyk dit dat waar sy ’n sagte oor nodig gehad het om haar hulpkreet te hoor, sy ’n harde stilswye as antwoord gekry het van dié wat kon help.
Met geen “safe haven law” in Suid-Afrika, sodat ’n mamma haar baba anoniem op ’n veilige plek kan los sonder om krimineel aangeklag te word indien sy geïdentifiseer word nie, raak die uitdaging van verlate babas net groter. Selfs die “Baby savers” of babakluise, waarin babas veilig geplaas kan word en onmiddellik gevind en gehelp kan word, is onwettig in Suid-Afrika. Genadiglik draai die wetstoepassers ’n blinde oog, want hulle besef dat hierdie babakluise letterlik lewens red. Die Helderberg Baby Saver in die muur by Choices Crisis Pregnancy Centre het oor die afgelope agt jaar sedert die ontstaan daarvan, tien babas ontvang.>>
Daar is egter ook talle mammas wat hulleself in krisis-swangerskap bevind, wat wel die nodige ondersteuning van maatskaplike werkers kry en hulle babas wetlik afteken vir aanneming. Of ’n baba nou wetlik afgeteken is vir aanneming of iewers in ’n veld of in ’n swartsak gevind is, daardie baba het ’n sagte en veilige plek nodig waar hy of sy versorg kan word tot hulle wetlik aanneembaar is of weer met die biologiese familie herenig kan word.
Tydelike Veilige Sorg-ouers of kanga-ouers soos hulle ook bekend staan, maak plek in hulle huise en harte om hierdie kwesbare, kosbare babas in te neem en lief te hê.
Die kanga&roo-projek het ses jaar gelede ontstaan om Tydelike Veilige Sorg-ouers finansieel by te staan met die voorsiening van formule melk, weggooidoeke en baba-afvee doekies. Die projek ondersteun maandeliks 18 Tydelike Veilige Sorg-gesinne met R1 000 per baba om die basiese kostes gedeeltelik te dek. Ongeveer 80 babas vind jaarliks baat by die projek. Ons wil graag lidmate uitnooi om betrokke te raak deur ’n bydrae te maak. Dit kan eenmalig of maandeliks wees. ’n Omgeegroep kan selfs besluit om saam een baba se maandelikse kostes van R1 000 te dek. Bydraes kan inbetaal word by Helderberg Uitreik met verwysing: Kanga&roo.
Ons wil graag ook weer ’n bydrae van baba-afveedoekies vra – enige maak is geskik, maar die sensitiewe soort. Baba-afveedoekies kan by die kerkkantoor ingehandig word.
Baie dankie aan elkeen wat die kanga&projek ondersteun en so ’n bydra lewer om die wêreld ’n sagter plek te maak.
Tania Schultz
Tydelike Veilige Sorg-mamma en kanga&roo koördineerder
084 717 0660 of Hierdie e-posadres word van Spambotte beskerm. Jy moet JavaScript ontsper om dit te lees.
Projekleier: Karin Alheit by 082 909 0204 of Hierdie e-posadres word van Spambotte beskerm. Jy moet JavaScript ontsper om dit te lees.
Tel: 021-851 5582
Noodnommer: 083 988 2003
epos: Hierdie e-posadres word van Spambotte beskerm. Jy moet JavaScript ontsper om dit te lees.
-boodskappe: 074 271 1589
Facebookgroep
Word gerus deel van ons Facebookgroep met die naam: Helderberg Gemeente gesels lekker
Word deel van ons WhatsApp-groep
Wil jy die skakels na die preke en ander inligting kry op WhatsApp, kliek op die skakel hieronder met jou selfoon en word outomaties deel van die groep:
https://chat.whatsapp.com/HK219PoUcN4LOmoGy4GDt0
Of gebruik die QR kode:
- maak WhatsApp oop
- gaan na settings
- maak die QR kode langs jou naam oop
- scan ons QR kode
Bid saam met ons vir die volgende mense:
Marieta Viljoen - heupvervanging
Bia Kleynhans – ICU, seldsame bloedsiekte
Salome Visagie – operasie vir breingewas
Andre le Grange – ernstig siek
Robin Furniss – herstel na operasie
Fanie Roux – kanker
Marni Rischmuller se ma Maritha – kanker
Issie Ponelis – kanker
Elmine Stickling – kanker
Jan Brits – herstel na operasie
Francois Roux – sterk tuis aan
Cecilia Lötter – sterk tuis aan
Emmie van Tonder – kanker
Susan Crafford – verswak
Ons is dankbaar:
- dat U ons gemoed vernuwe
- dat U met liefde na ons kyk
- dat U my kop oplig
Rou:
André le Grange is oorlede, ons dink aan sy vrou Isolde en familie.
Moet ons vir jou bid? Laat weet ons asseblief by die kerkkantoor: 021-851 5582 of onderlingesorg@nghelder.co.za
want elkeen wat uit God gebore is, oorwin die wêreld; en dít is die oorwinning wat die wêreld oorwin – ons geloof. 1 Joh 5:4
Liewe Lidmaat
Die POPI inligtingswet is vanaf 1 Julie 2021 inwerking en ons bevestig hiermee dat lidmate se persoonlike inligting veilig hanteer en bewaar word. Lidmate kan dmv ons webblad aansoek doen (kliek hier) om toegang tot hulle inligting te verkry. Vir verder navrae kontak gerus ons Inligtingsbeampte, Grazie Beets, by Hierdie e-posadres word van Spambotte beskerm. Jy moet JavaScript ontsper om dit te lees.
Kliek asb op die skakel hieronder vir meer inligting oor die Covid-19 virus