Dienste word lewendig uitgesaai op YouTube, gaan na YouTube en teken in by Helderberg Gemeente.
Eredienstye (somer):
08:00 Klassieke diens
08:30 Meditatiewe diens
09:00 Hoop (Sitari) - skoolsaal van Curro Skool
09:30 Informele diens
09:30 Kiddie- en Tekkiekerk
10:00 Helderberg Village - Kilberry saal
18:00 Tieners
19:00 Aanddiens
(Wintertye begin op 2 Junie 2024)
Tipiese aktiwiteite gedurende die week:
Dinsdagoggend – gebedsgroep wat bid vir die kerk en die land van 06:00-06:45, kom bid saam al kan jy dit net een keer per maand doen.
Woensdagoggend – Kreatiewe Kuiergroep kom elke 2'de Woensdag in die Tent bymekaar om 10:00. As jy lus het om iets kreatief te doen kontak vir Magdel by 082 400 0903.
Donderdagoggend – Bybelstudiegroepe. As jy wil inskakel by ‘n groep kontak vir Ina van Niekerk by 082 578 9893 (dames) of Johann Swart by 082 928 7596 (mans).
Vrydagoggend – Manne Bediening kom bymekaar in die Kapel om 06:00, hulle bid saam en gesels saam. Kontak vir Jaco by 083 675 5687 of Leon by 081 019 0710 indien jy meer wil weet.
Dan is daar ook verskeie omgeegroepe en wyksgroepe, asook ‘n groep vir jong werkendes. Gesels met René meer hieroor by Hierdie e-posadres word van Spambotte beskerm. Jy moet JavaScript ontsper om dit te lees. of 021 851 5582, sy kan vir jou meer vertel oor al die kleingroep.
Lyndon Mactavie is 'n VGK student wat sy kerklike navorsingsjaar by Helderberg Gemeente doen en sy tema is Versoening deur sport. Ons het vir Lyndon ‘n paar vrae gevra om so bietjie meer te hoor wie hy is.
Hoe weet ek die Here is Lief vir my?
Ek weet die Here is lief vir my deur sy genade wat Hy aan my gee dag na dag en die persoonlike verhouding wat ek met God het. Ek sien sy teenwoordigheid en liefde nie net in my stilte tyd nie, maar ook in alle daagse dinge rondom my.
Wat is my droom by Helderberg?
My droom by Helderberg is om verder geestelik te kan groei en te kan sien hoe die Here die verhouding met Helderberg en al die gemeentes rondom die kerk sterker maak. Ek droom om te sien hoe die Here met Helderberg Gemeente werk sodat ons ‘n gesig van versoening kan sien, waar Jesus ons bande horisontaal versterk en vertikaal saam met Hom.
Wat is my eerste belangrikste indrukke van Helderberg?
Die gemeente is ʼn baie inklusiewe gemeente, ʼn gemeente wat baie oop en warm is en waar ʼn mens baie gemaklik mee voel.>>
Waar het ek groot geword en hoe het ek op hierdie pad beland?
Ek is gebore in die dorp Worcester en terwyl my moeder geleer het in die Kaap het ek my eerste 5 jaar by my ouma spandeer in Worcester. Ek het toe saam my ma en pa Paarl toe getrek waar ek my hele lewe lank nou al bly. Ek het ʼn ouma wat baie sterk in haar geloof is en sy bid baie vir my en ook ʼn ma wat my die vryheid gegee het om te onderskei wat is reg in verkeerd en my verstaan van God te kon kry. Ek het oor die jare agter gekom dat God se roeping sterk op my lewe lê en moes geleenthede wat ek gekry het om oorsee krieket te speel opgee, want God het ander deure vir my oopgemaak waar ek by Universiteit Stellenbosch kon Teologie studeer en saam vir die universiteit krieket kon speel.
Die Here het ‘n besonderse woord in my lewe kom plaas naamlik “Versoening” en deel van my roepingsverhaal is versoening die middelpunt daarvan.
Waarheen dink ek is ek op pad met die Here? En wat dink ek wil Hy nog met my doen?
Ek persoonlik hou vas aan die teks van Jeremia 33:3 wat sê” roep my aan en ek sal jou vertel van onweerstaanbare dinge waarvan jy nog nie weet nie”. Ek glo dat die Here werklik met my gaan werk deur versoening en net deur myself te wees sodat God vir my op sy unieke manier sal gebruik, die manier waarvan ek nog niks weet nie soos Jeremia 33:3. Ek kan sien hoe God met my werk deur verhoudings, sport (veral krieket) en baie meer, maar ek is baie gretig om te sien wat God nog gaan doen.
Wat moet mense nog van my weet?
Soos voorheen gesê ek is mal oor krieket en enige ander sport. In my vrye tyd praat ek by verskillende konferensies oor versoening, werk aan sosiale geregtigheid waar ek saam Prof Thuli Madonsela werk en hou van tyd saam familie en vriende spandeer en rig ook krieket af. Ek het ook drie honde waarvoor ek baie lief is. Laaste interessante feit is dat ek hou van musiek en hou ook van gedigte skryf en lirieke skryf.
Lyndon ons hoop jy is baie gelukkig en geseënd by Helderberg en dat versoening altyd deel van jou wese sal wees. Mag die Here jou hiermee seën en gebruik soos in Jer 33:3.
Tel: 021-851 5582
Noodnommer: 083 988 2003
epos: Hierdie e-posadres word van Spambotte beskerm. Jy moet JavaScript ontsper om dit te lees.
-boodskappe: 074 271 1589
Facebookgroep
Word gerus deel van ons Facebookgroep met die naam: Helderberg Gemeente gesels lekker
Word deel van ons WhatsApp-groep
Wil jy die skakels na die preke en ander inligting kry op WhatsApp, kliek op die skakel hieronder met jou selfoon en word outomaties deel van die groep:
https://chat.whatsapp.com/HK219PoUcN4LOmoGy4GDt0
Of gebruik die QR kode:
- maak WhatsApp oop
- gaan na settings
- maak die QR kode langs jou naam oop
- scan ons QR kode
Bid saam met ons vir die volgende mense:
Andre le Grange – ernstig siek
Robin Furniss – herstel na operasie
Fanie Roux – kanker
Marni Rischmuller se ma Maritha – kanker
Bazil Nunes – ICU, verswak
Issie Ponelis – kanker
Elmine Stickling – kanker
Jan Brits – herstel na operasie
Francois Roux – sterk tuis aan
Cecilia Lötter – sterk tuis aan
Emmie van Tonder – kanker
Susan Crafford – verswak
Ons is dankbaar:
- vir die riglyne in die Bybel
- dat U ‘n doel het met ons lewe
- dat U ons bevry van vrees
Moet ons vir jou bid? Laat weet ons asseblief by die kerkkantoor: 021-851 5582 of onderlingesorg@nghelder.co.za
In die liefde is daar geen vrees nie. 1 Johannes 4:18a
Liewe Lidmaat
Die POPI inligtingswet is vanaf 1 Julie 2021 inwerking en ons bevestig hiermee dat lidmate se persoonlike inligting veilig hanteer en bewaar word. Lidmate kan dmv ons webblad aansoek doen (kliek hier) om toegang tot hulle inligting te verkry. Vir verder navrae kontak gerus ons Inligtingsbeampte, Grazie Beets, by Hierdie e-posadres word van Spambotte beskerm. Jy moet JavaScript ontsper om dit te lees.
Kliek asb op die skakel hieronder vir meer inligting oor die Covid-19 virus