Dienste word lewendig uitgesaai op YouTube, gaan na YouTube en teken in by Helderberg Gemeente.
Eredienstye (somer):
08:00 Klassieke diens
08:30 Meditatiewe diens
09:00 Hoop (Sitari) - skoolsaal van Curro Skool
09:30 Informele diens
09:30 Kiddie- en Tekkiekerk
10:00 Helderberg Village - Kilberry saal
18:00 Tieners
19:00 Aanddiens
(Wintertye begin op 2 Junie 2024)
Tipiese aktiwiteite gedurende die week:
Dinsdagoggend – gebedsgroep wat bid vir die kerk en die land van 06:00-06:45, kom bid saam al kan jy dit net een keer per maand doen.
Woensdagoggend – Kreatiewe Kuiergroep kom elke 2'de Woensdag in die Tent bymekaar om 10:00. As jy lus het om iets kreatief te doen kontak vir Magdel by 082 400 0903.
Donderdagoggend – Bybelstudiegroepe. As jy wil inskakel by ‘n groep kontak vir Ina van Niekerk by 082 578 9893 (dames) of Johann Swart by 082 928 7596 (mans).
Vrydagoggend – Manne Bediening kom bymekaar in die Kapel om 06:00, hulle bid saam en gesels saam. Kontak vir Jaco by 083 675 5687 of Leon by 081 019 0710 indien jy meer wil weet.
Dan is daar ook verskeie omgeegroepe en wyksgroepe, asook ‘n groep vir jong werkendes. Gesels met René meer hieroor by Hierdie e-posadres word van Spambotte beskerm. Jy moet JavaScript ontsper om dit te lees. of 021 851 5582, sy kan vir jou meer vertel oor al die kleingroep.
God roep gewone mense soos ek en jy om draers van Jesus se Hoop en Lig te wees in die wêreld in nood.
Ons nooi jou graag om in te skakel by die Uitreikfees op 14 Februarie om 9:30 by Helderberg Gemeente se YouTube-kanaal. Ds Strydom Bruwer is ons prediker.
Daar sal ook video’s van die projekte wees en jy kan kies waar en hoe jy graag betrokke wil raak.
Wat is ‘n geloofoffer? Dit is jou tyd, kundigheid, gebed en geld, wat jy bo en behalwe jou dankoffer (nie in plek daarvan nie) vir die Here wil gee, soos Sy Gees jou lei en dit waarmee Hy jou seën.
Neem ‘n tyd van stilte en gebed met God, lees rustig deur twee blaaie van die inligtingsblaadjie wat jy hier kan kry, voltooi dan die geloofoffervorm wat jy hier kry, en e-pos laasgenoemde aan Hierdie e-posadres word van Spambotte beskerm. Jy moet JavaScript ontsper om dit te lees.. Daar is ook gedrukte inligtingsblaadjies en geloofoffervorms by die kerkkantoor beskikbaar.>>
Die meeste van ons is honger om mekaar weer in die oë te kyk en langs mekaar in die kerkbanke te skuif. Ons het agv fisieke afstand, kontak met mekaar verloor. Daarom het ons in hierdie nuwe tye nodig om mekaar se stories te hoor. Om gesigte agter name te leer ken. Om in mekaar se skoene te klim. Deurdat ons mekaar beter leer ken en verstaan – is dit ook ‘n vorm van gemeenskap van gelowiges.
Ons nooi jou uit om jou getuienis of storie van ‘n belewenis in Covid-tyd met ons te deel. Kom ons help mekaar met stories oor hoe jy of julle gesin die grendeltyd ervaar het, wat het verander in jou lewe, hoe het dit jou verhouding met God en ander mense beïnvloed, wat was jou belewenis van kerk in die tyd, wat jy nuut of anders begin doen het.
Plaas jou storie direk op ons Facebook-groep met die naam Helderberg Gemeente gesels lekker of stuur jou storie aan by Hierdie e-posadres word van Spambotte beskerm. Jy moet JavaScript ontsper om dit te lees. – foto’s is welkom.
Hartlike groete vanuit die kerkkantoor, die kantoor is huidiglik weeksdae oop vanaf 08:30 tot 13:00 en volstoom aan die gang. Ten spyte van die feit dat ons nie Godsdienstige byeenkomste, behalwe begrafnisse mag hou nie, is ons dankbaar dat ons kerkterrein nog steeds benut kan word. Die Dienssentrum is soos gewoonlik oop en besig met hulle onmisbare diens aan die gemeenskap.
Ons is baie dankbaar dat Talanja-skooltjie oop is vir die kleuters en ook vir Akademia wat binnekort weer gaan begin. Verder is ons opgewonde oor 'n nuwe skooltjie Edhen, wat vanaf 1 Februarie ook op ons terrein funksioneer.
Groete
Grazie by Hierdie e-posadres word van Spambotte beskerm. Jy moet JavaScript ontsper om dit te lees.
Die meeste van ons het iewers in ons lewe geworstel met die vraag wie wil ek wees? Ons het dit geantwoord met wat wil ek doen, wat wil ek bereik en het dit toe ingekleur met prestasies en mylpale. Van hierdie mylpale was in ons werk, in ons sport en selfs in ons verhoudinge. Dit was egter alles gekoppel aan die “normale” lewe en verwagtinge. Die afgelope jaar en 'n half is baie van hierdie normale aspekte van ons lewens deurmekaar gegooi en soek mense naarstigtelik weer opnuut na die sin van hulle bestaan. Vir party het hierdie tyd hulle finansiële onafhanklikheid kom steel of selfs hulle in diep skuld kom gooi. Vir ander was dit die verloor van die droom werk, omdat die besigheid toegemaak het. Vir nog ander was dit die verhoudinge, mense wat jy aan die dood afgestaan het, of verhoudinge wat verbrokkel het onder die druk.
Die een ding is waar, hierdie tyd het ons opnuut weer laat vra na: Wie is ek bedoel om te wees? Ons ontdek weer hierdie Sondag saam uit Efesiërs en Galasiërs wat God se bedoeling ook vir ons is vandag. As my basis reg is dan is daar plek vir gesonde groei en wie weet miskien is jy soos Ester 4:14 sê, juis gemaak vir 'n tyd soos hierdie.
Paul Barnard doen die diens en onthou om te gaan kyk op ons YouTube-kanaal om 08:00 Sondag sal die diens beskikbaar wees. Deurkollekte gaan vir Mosambiek Geletterdheid.
Na afloop van die President se aankondiging Maandag sal eredienste, in persoon, hervat by die kerkgebou vanaf 21 Februarie. Die huidige ramptoestand voorwaardes verval 15 Februarie so ons sal nader aan die tyd kan bevestig of daar meer as 50 persone 'n diens kan bywoon al dan nie.
Dit is dan 'n klassieke diens om 08:00 in die kerk, 'n meditatiewe diens om 09:00 in die kapel, informele diens in die kerk om 10:00 en ‘n aanddiens in die kerk om 19:00. Jy sal moet bespreek vir die diens. Kinders is welkom om by hul ouers te sit in die dienste. Intussen deel saam in ons digitale eredienste (ook vir die kinders) deur in te skryf op Helderberg Gemeente se YouTube-kanaal.
Die tieners se jeugaksie gaan ook die 21’ste Februarie begin. Ons sal wel vir julle in die volgende e-nuusbrief, Facebook, Whatsapp en webblad alle reëlings rondom die dienste en jeugaksie laat weet.
Tel: 021-851 5582
Noodnommer: 083 988 2003
epos: Hierdie e-posadres word van Spambotte beskerm. Jy moet JavaScript ontsper om dit te lees.
-boodskappe: 074 271 1589
Facebookgroep
Word gerus deel van ons Facebookgroep met die naam: Helderberg Gemeente gesels lekker
Word deel van ons WhatsApp-groep
Wil jy die skakels na die preke en ander inligting kry op WhatsApp, kliek op die skakel hieronder met jou selfoon en word outomaties deel van die groep:
https://chat.whatsapp.com/HK219PoUcN4LOmoGy4GDt0
Of gebruik die QR kode:
- maak WhatsApp oop
- gaan na settings
- maak die QR kode langs jou naam oop
- scan ons QR kode
Bid saam met ons vir die volgende mense:
Marieta Viljoen - heupvervanging
Bia Kleynhans – ICU, seldsame bloedsiekte
Salome Visagie – operasie vir breingewas
Andre le Grange – ernstig siek
Robin Furniss – herstel na operasie
Fanie Roux – kanker
Marni Rischmuller se ma Maritha – kanker
Issie Ponelis – kanker
Elmine Stickling – kanker
Jan Brits – herstel na operasie
Francois Roux – sterk tuis aan
Cecilia Lötter – sterk tuis aan
Emmie van Tonder – kanker
Susan Crafford – verswak
Ons is dankbaar:
- dat U ons gemoed vernuwe
- dat U met liefde na ons kyk
- dat U my kop oplig
Rou:
André le Grange is oorlede, ons dink aan sy vrou Isolde en familie.
Moet ons vir jou bid? Laat weet ons asseblief by die kerkkantoor: 021-851 5582 of onderlingesorg@nghelder.co.za
want elkeen wat uit God gebore is, oorwin die wêreld; en dít is die oorwinning wat die wêreld oorwin – ons geloof. 1 Joh 5:4
Liewe Lidmaat
Die POPI inligtingswet is vanaf 1 Julie 2021 inwerking en ons bevestig hiermee dat lidmate se persoonlike inligting veilig hanteer en bewaar word. Lidmate kan dmv ons webblad aansoek doen (kliek hier) om toegang tot hulle inligting te verkry. Vir verder navrae kontak gerus ons Inligtingsbeampte, Grazie Beets, by Hierdie e-posadres word van Spambotte beskerm. Jy moet JavaScript ontsper om dit te lees.
Kliek asb op die skakel hieronder vir meer inligting oor die Covid-19 virus