Dienste word lewendig uitgesaai op YouTube, gaan na YouTube en teken in by Helderberg Gemeente.
Eredienstye (somer):
08:00 Klassieke diens
08:30 Meditatiewe diens
09:00 Hoop (Sitari) - skoolsaal van Curro Skool
09:30 Informele diens
09:30 Kiddie- en Tekkiekerk
10:00 Helderberg Village - Kilberry saal
18:00 Tieners
19:00 Aanddiens
(Wintertye begin op 2 Junie 2024)
Tipiese aktiwiteite gedurende die week:
Dinsdagoggend – gebedsgroep wat bid vir die kerk en die land van 06:00-06:45, kom bid saam al kan jy dit net een keer per maand doen.
Woensdagoggend – Kreatiewe Kuiergroep kom elke 2'de Woensdag in die Tent bymekaar om 10:00. As jy lus het om iets kreatief te doen kontak vir Magdel by 082 400 0903.
Donderdagoggend – Bybelstudiegroepe. As jy wil inskakel by ‘n groep kontak vir Ina van Niekerk by 082 578 9893 (dames) of Johann Swart by 082 928 7596 (mans).
Vrydagoggend – Manne Bediening kom bymekaar in die Kapel om 06:00, hulle bid saam en gesels saam. Kontak vir Jaco by 083 675 5687 of Leon by 081 019 0710 indien jy meer wil weet.
Dan is daar ook verskeie omgeegroepe en wyksgroepe, asook ‘n groep vir jong werkendes. Gesels met René meer hieroor by Hierdie e-posadres word van Spambotte beskerm. Jy moet JavaScript ontsper om dit te lees. of 021 851 5582, sy kan vir jou meer vertel oor al die kleingroep.
Ons is baie bly dat ons nou meer mense op ‘n Sondag mag verwelkom en hoop om julle almal binnekort te sien. Moet ek nog vooraf bespreek as ek ‘n diens wil bywoon? Ons moet wel nog Covid-reëls nakom met die lys van mense wat in die kerk was. So, asseblief ja, dit sal die proses by die deure baie vergemaklik as jy wel vooraf jou naam deurgee op die skakel: https://forms.gle/2PRno8MLxSuYFXW19 of jy kan ‘n e-pos te stuur met jou naam en kontak besonderhede aan Hierdie e-posadres word van Spambotte beskerm. Jy moet JavaScript ontsper om dit te lees.. Tydens die Informele diens, kan daar ‘n kinderdiens vir voorskool tot graad 6 kinders in Joppe wees of hulle kan by hul ouers in die kerk sit.
Ons gaan ook nog voort om die Klassieke en Informele dienste direk uit te saai op ons YouTube-kanaal en ‘n skakel op die webblad. Daar is ook ‘n vooraf opgeneemde Huiskerk-video met die boodskap van die dag, asook die Kiddie- en Tekkiediens video. Ons hoop jy skakel op een of ander manier in by ons eredienste om deel van die Helderberg familie te bly.
Ons arms is nooit leeg nie...
Helderberg Babas ondersteun Werner en Tania Schultz om as tydelike veilige sorg ouers babas in te neem wat sorg en beskerming nodig het. Die babas is babas wat wag op aanneming en ons versorg hulle tydelik totdat die baba wetlik aanneembaar is. Dit kan ‘n tydperk van ongeveer 4 tot 6 maande wees.
Kyk ons terug oor die afgelope jaar, staan ons in verwondering oor die Here se tydsberekening in die tot standkoming van Helderberg Babas. Waar baie bedieninge gedurende die pandemie nie met hulle normale uitreike kon voortgaan nie, was ons in ‘n posisie om babas in nood in te neem en die nodige liefde en versorging te bied.
Sedert Februarie 2020 het ons tien babas in tydelik veilige-sorg geneem, waarvan 2 mikro preemies was wat minder as ‘n kilogram elk by geboorte geweeg het. Vyf van die babas is die afgelope jaar by aanneemouers geplaas, twee is terug na die biologiese families en ’n verdere drie babas wag tans op aanneming. Een van die drie babas, ’n pragtige dogtertjie van drie en ‘n half maande, gaan op Maandag 8 Maart na haar aanneemouers. Op dieselfde dag sal ons ’n nuwe seuntjie wat reeds ‘n maand oud is, in ons sorg verwelkom. Ons sal dan drie seuntjies, almal onder die ouderdom van 7 weke, versorg.>>
Isaac Gama koördineer die werksaamhede van Mosambiek Geletterdheid om te verseker dat daar ‘n langtermyn belegging gemaak word in die kinders van Milange.
Madelyn is die projekleier vir Mosambiek Geletterdheid en om vir Isaac sinvol te kan ondersteun, het ons ‘n projekspan nodig. Twee rolle wat uiters nodig is, is die van Finansiële Bestuurder en Pastorale Versorger. Jy is ook baie welkom om deel van die projekspan te wees om saam te droom, te dink en te gesels.
Indien jy kans sien om van jou tyd en vaardighede aan te bied of meer inligting verlang, kontak asseblief vir Madelyn by Hierdie e-posadres word van Spambotte beskerm. Jy moet JavaScript ontsper om dit te lees. / 082 222 3599.
Ons kinders kan soos almal nie meer wag om kerk toe te kom nie, maar grendeltyd beperk ons nog huidiglik. Hier is darem nuus oor die jeugaksie:
• Tans is daar ‘n YouTube videodiens waar Frikkie en sy maatjies ons Kiddies en Tekkies nooi om saam te kuier. Daar is ongelukkig nog geen ander jeugaksiebyeenkomste op Sondae nie, kinders is egter welkom om by hul ouers in die kerk te sit.
• Graad 11’s en hul ouers word genooi om Sondagaande om 18:00-18:45 by ons aan te sluit in die Tent. Vanweë die druk skoolprogram sal daar voorlopig geen ander graadgroep byeenkomste in die week plaasvind nie.
• Belydenis van geloof afleggings sal eers weer plaasvind wanneer ons in groter groepe in die kerk kan bymekaarkom. Hou ons kommunikasie dop vir die datums. Enigeen wat later vanjaar belydenis wil aflê, kan die vorm op die Web aflaai of die kerkkantoor kontak.
Navrae: Lizl by Hierdie e-posadres word van Spambotte beskerm. Jy moet JavaScript ontsper om dit te lees.
Ons tema vir Sondag 28 Februarie is “God bring heling” en ons teksgedeeltes Jeremia 17:14-17 en 30:17-18. Almal wil graag heel of gesond wees – fisies, emosioneel en geestelik. Ons hou nie daarvan om siek te wees of gebroke te voel nie. Maar ons moet erken dat ons as mense broos is. Heling begin nie eerstens by myself nie. Heling begin by God. Hy is al een wat mense werklik kan heel maak. Hy bring heling vir individue, vir ’n volk en vir ‘n land. In die helingsproses gebruik God ook gewone mense soos ek en jy.
Ons bede is vandag dieselfde as wat die profeet Jeremia in 17:14 bid: “Maak my gesond, Here.” Danie O’Kennedy gaan Sondag meer hieroor praat en die deurkollekte gaan vir Merweville Skoolprojek
Tel: 021-851 5582
Noodnommer: 083 988 2003
epos: Hierdie e-posadres word van Spambotte beskerm. Jy moet JavaScript ontsper om dit te lees.
-boodskappe: 074 271 1589
Facebookgroep
Word gerus deel van ons Facebookgroep met die naam: Helderberg Gemeente gesels lekker
Word deel van ons WhatsApp-groep
Wil jy die skakels na die preke en ander inligting kry op WhatsApp, kliek op die skakel hieronder met jou selfoon en word outomaties deel van die groep:
https://chat.whatsapp.com/HK219PoUcN4LOmoGy4GDt0
Of gebruik die QR kode:
- maak WhatsApp oop
- gaan na settings
- maak die QR kode langs jou naam oop
- scan ons QR kode
Bid saam met ons vir die volgende mense:
Marieta Viljoen - heupvervanging
Bia Kleynhans – ICU, seldsame bloedsiekte
Salome Visagie – operasie vir breingewas
Andre le Grange – ernstig siek
Robin Furniss – herstel na operasie
Fanie Roux – kanker
Marni Rischmuller se ma Maritha – kanker
Issie Ponelis – kanker
Elmine Stickling – kanker
Jan Brits – herstel na operasie
Francois Roux – sterk tuis aan
Cecilia Lötter – sterk tuis aan
Emmie van Tonder – kanker
Susan Crafford – verswak
Ons is dankbaar:
- dat U ons gemoed vernuwe
- dat U met liefde na ons kyk
- dat U my kop oplig
Rou:
André le Grange is oorlede, ons dink aan sy vrou Isolde en familie.
Moet ons vir jou bid? Laat weet ons asseblief by die kerkkantoor: 021-851 5582 of onderlingesorg@nghelder.co.za
want elkeen wat uit God gebore is, oorwin die wêreld; en dít is die oorwinning wat die wêreld oorwin – ons geloof. 1 Joh 5:4
Liewe Lidmaat
Die POPI inligtingswet is vanaf 1 Julie 2021 inwerking en ons bevestig hiermee dat lidmate se persoonlike inligting veilig hanteer en bewaar word. Lidmate kan dmv ons webblad aansoek doen (kliek hier) om toegang tot hulle inligting te verkry. Vir verder navrae kontak gerus ons Inligtingsbeampte, Grazie Beets, by Hierdie e-posadres word van Spambotte beskerm. Jy moet JavaScript ontsper om dit te lees.
Kliek asb op die skakel hieronder vir meer inligting oor die Covid-19 virus