Dienste word lewendig uitgesaai op YouTube, gaan na YouTube en teken in by Helderberg Gemeente.
Eredienstye (somer):
08:00 Klassieke diens
08:30 Meditatiewe diens
09:00 Hoop (Sitari) - skoolsaal van Curro Skool
09:30 Informele diens
09:30 Kiddie- en Tekkiekerk
10:00 Helderberg Village - Kilberry saal
18:00 Tieners
19:00 Aanddiens
(Wintertye begin op 2 Junie 2024)
Tipiese aktiwiteite gedurende die week:
Dinsdagoggend – gebedsgroep wat bid vir die kerk en die land van 06:00-06:45, kom bid saam al kan jy dit net een keer per maand doen.
Woensdagoggend – Kreatiewe Kuiergroep kom elke 2'de Woensdag in die Tent bymekaar om 10:00. As jy lus het om iets kreatief te doen kontak vir Magdel by 082 400 0903.
Donderdagoggend – Bybelstudiegroepe. As jy wil inskakel by ‘n groep kontak vir Ina van Niekerk by 082 578 9893 (dames) of Johann Swart by 082 928 7596 (mans).
Vrydagoggend – Manne Bediening kom bymekaar in die Kapel om 06:00, hulle bid saam en gesels saam. Kontak vir Jaco by 083 675 5687 of Leon by 081 019 0710 indien jy meer wil weet.
Dan is daar ook verskeie omgeegroepe en wyksgroepe, asook ‘n groep vir jong werkendes. Gesels met René meer hieroor by Hierdie e-posadres word van Spambotte beskerm. Jy moet JavaScript ontsper om dit te lees. of 021 851 5582, sy kan vir jou meer vertel oor al die kleingroep.
Te danke aan mildelike bydraes uit die gemeente en gemeenskap kon Helderberg Uitreik se Rampverligtingprojek verskeie mense en gemeenskappe in die afgelope jaar bystaan.
Die COVID-19-pandemie het die fonds se aktiwiteite vir die grootste deel van die jaar oorheers en die COVID-19-rampverligtingfonds het sedert sy ontstaan in Maart 2020 meer as R500 000 uitbetaal aan individue, klein besighede, organisasies, sopkombuise en vennote wat kospakkies verskaf het. Deur die COVID Medies-inisiatief het die projek die verspreiding van meer as 800 omgeepakkies na gesondheidspersoneel en versorgers in die Helderberg-kom gefasiliteer om hulle te bedank en te bemoedig.
Die projek het in hierdie tyd steeds droogtehulp verleen, met ’n fokus op Sutherland, waar ons die Johenco Tehuis vir Bejaardes ondersteun.
Hannes Theron, afgetrede leraar van Helderberg Gemeente, en Pia Nänny, projekleier van die Rampverligtingprojek, sal van 8 tot 22 Mei die Boesmanland “Red-’n-plaas”-Camino, wat oor meer as 300 km strek, aandurf om bewusmaking te doen oor die feit dat die droogte in die Noord-Kaap nog nie gebreek is nie, en om geld vir die NG Kerk in Noord-Kaapland se rampdroogteprojek in te samel. Lees die berig hier om te sien hoe jy die stappers kan ondersteun.
Pia Nänny - Projekleier
Dink aan ‘n oomblik toe jy God as “regtig” ervaar het … Al weet ek God is “regtig”, is daar tog tye wanneer dit meer as “weet” word. Wanneer my hart warm klop of die hoendervleis op my arms uitslaan. Met party van ons gebeur dit meer gereeld as met ander. Die ervaring van die lewende God bly egter spesiaal.
So was dit ook vir die twee volgelinge van Jesus op pad terug na hulle huis in Emmaus. Hulle het teleurgesteld geglo dat Jesus dood en begrawe is. Toe verskyn die opgestane Jesus aan hulle. Eers herken hulle Hom nie, maar toe hulle besef wie dit was, is hulle treffende woorde: “Hoe warm het ons harte nie geklop nie!”
Dit is waaroor ons saam met Danie Möller Sondag in die kerk gesels. Sien jou daar.
Die deurkollekte gaan vir die Instandhoudingfonds.
Helderberg is ‘n groot gemeente en daar is mense wie se paaie dalk nooit hier sal kruis nie. Boonop beperk die huidige Covid -regulasies ons om na die dienste oor ‘n koppie koffie te kuier. Ons het dus kleiner kuiergroepe begin vir mense wat belangstellings deel. Tans is die Tuin-, Kreatiewe-, Fotografie- en Stapgroep aktief.
Indien jy wil inskakel daarby, stuur jou naam, selfoon nommer en belangstelling na Hierdie e-posadres word van Spambotte beskerm. Jy moet JavaScript ontsper om dit te lees. of kliek hier vir die Kuiergroep-vorm en gee dit in by Ontvangs. Ons sal jou ook help om ‘n nuwe groep te begin indien jy ander belangstellings het.
Hoop om jou daar te sien!
Ons het hom hoor preek, gesien op Facebook en YouTube, maar nou wil ons nog bietjie meer weet van Deon Els. Lees gerus die stukkie wat hy geskryf het oor homself en sy familie.
Wie is die Else?
Vir almal wat wonder, ons is ongelukkig nie familie van Ernie Els nie. Ek het ’n liefde vir die sport, maar sonder besonderse talent. Ek en Liesel het mekaar as studente by Tukkies ontmoet en is in 2012 getroud. Liesel is ’n pediatriese fisioterapeut wat spesialiseer in die neurologiese ontwikkeling van kinders en babas. Oor die laaste 5 jaar het sy ’n praktyk opgebou in Gqeberha (Port-Elizabeth) wat 3 hospitale se neonatale intensiewe sorg eenhede behandel het. Ons het twee dogters, Olivia (3 jaar) en Emily (4 maande) wat ons lekker aan die gang hou. As gesin geniet ons dit om te kamp en gaan stap graag met ons honde. Twee groot passies in ons huis is branderplankry en fietsry. Ek luister graag Spoegwolf en sal nog eendag ’n vertoning in die botaniese tuin wil bywoon.>>
Tel: 021-851 5582
Noodnommer: 083 988 2003
epos: Hierdie e-posadres word van Spambotte beskerm. Jy moet JavaScript ontsper om dit te lees.
-boodskappe: 074 271 1589
Facebookgroep
Word gerus deel van ons Facebookgroep met die naam: Helderberg Gemeente gesels lekker
Word deel van ons WhatsApp-groep
Wil jy die skakels na die preke en ander inligting kry op WhatsApp, kliek op die skakel hieronder met jou selfoon en word outomaties deel van die groep:
https://chat.whatsapp.com/HK219PoUcN4LOmoGy4GDt0
Of gebruik die QR kode:
- maak WhatsApp oop
- gaan na settings
- maak die QR kode langs jou naam oop
- scan ons QR kode
Bid saam met ons vir die volgende mense:
Andre le Grange – ernstig siek
Robin Furniss – herstel na operasie
Fanie Roux – kanker
Marni Rischmuller se ma Maritha – kanker
Bazil Nunes – ICU, verswak
Issie Ponelis – kanker
Elmine Stickling – kanker
Jan Brits – herstel na operasie
Francois Roux – sterk tuis aan
Cecilia Lötter – sterk tuis aan
Emmie van Tonder – kanker
Susan Crafford – verswak
Ons is dankbaar:
- vir die riglyne in die Bybel
- dat U ‘n doel het met ons lewe
- dat U ons bevry van vrees
Moet ons vir jou bid? Laat weet ons asseblief by die kerkkantoor: 021-851 5582 of onderlingesorg@nghelder.co.za
In die liefde is daar geen vrees nie. 1 Johannes 4:18a
Liewe Lidmaat
Die POPI inligtingswet is vanaf 1 Julie 2021 inwerking en ons bevestig hiermee dat lidmate se persoonlike inligting veilig hanteer en bewaar word. Lidmate kan dmv ons webblad aansoek doen (kliek hier) om toegang tot hulle inligting te verkry. Vir verder navrae kontak gerus ons Inligtingsbeampte, Grazie Beets, by Hierdie e-posadres word van Spambotte beskerm. Jy moet JavaScript ontsper om dit te lees.
Kliek asb op die skakel hieronder vir meer inligting oor die Covid-19 virus