Die boek wat ek geskryf het, Betereinder (Lux Verbi 2023), het ek eers geleef en toe geskryf. Sondag deel ek met julle die geheim wat ek ontdek het deur my leef en werk in Suidelike Afrika: hoe werk TUISKOMS?

Tans is ek ‘n leraar by Fontainebleau Gemeenskapskerk (NG) en Voorsitter van Betereinders. Jesus vra meer as Malema en wil graag mense help om met integriteit ‘n land te bou waar ons kinders gaan welkom wees.

My seuns is een en vier jaar oud en ek is getroud met Marlé en is baie lief vir ons twee English Springer hondjies: Apie en Skapie.

Ek sien uit daarna om jou Sondag te ontmoet.

Schalk van Heerden

Twitter

Pieter Gouws was musiekkoördineerder en sy vrou Leané was deel van die Luisterspan wat op die kerkraad dien. Hulle albei gaan nou op ‘n skip werk, Leané in ‘n leierskaprol en albei deel van die vermaak-afdeling op die skip. Hulle droom is om die Evangelie so te kan versprei en haal Psalm 34:9 aan: Beproef dit en ervaar: Die Here is goed, gelukkig is die mens wat by Hom skuil. Hulle wil die wêreld sien en die Lig laat skyn.

Pieter en Leané sê baie dankie vir die diep spore wat Helderberg in hul harte getrap het, veral die mense van die gemeente, die bestuur en leierskap. Hulle waardeer almal se ondersteuning.

Pieter en Leané, ons hoop vir julle is dat julle droom waar sal word en dat julle lig vir God oral sal skyn.

Twitter

As jy wonder of jy wil betrokke raak by een van Uitreik se projekte, kom sit jou tone in die water. Ons gaan saam met die Faure en Croydon gemeenskap kuier en werk aan hulle droom. Die droom is om ‘n tweedehandse winkel op te rig, maar voor dit moet daar nog baie werk gedoen word.

Op Donderdag 22 Februarie van 10:00 tot 17:00 gaan ons hulle help om hulle terrein skoon te maak en reg te skuif om hierdie droom te help waar maak. Daar is ook verfwerk en uitsorteerwerk, iets vir elke lyf om te doen.

Kom werk net die deel van die dag wat jy kan afstaan. Kom in gemaklike ou klere en bring handskoene, sonskerm, ‘n hoed en water. Bring ook ‘n tuingraaf/vurk en ‘n swartsak vir vullis saam.

Laat weet asb vir Melanie teen Woensdag, 21 Februarie om 14:00 by Hierdie e-posadres word van Spambotte beskerm. Jy moet JavaScript ontsper om dit te lees. as jy deur die loop van die dag kan help. Ons kry mekaar by Cannonweg 30, Croydon.

Amanda Ferreira (Hierdie e-posadres word van Spambotte beskerm. Jy moet JavaScript ontsper om dit te lees.)

Twitter

‘n Windpomp. Dit neem die water na daar waar dit nodig is. Op sy eie beteken ‘n windpomp nie veel nie. Maar as die wind waai en die windpomp werk, dan lei dit water na daar waar dit baie nodig is.

Helderberg Uitreik is die windpomp. Jesus is die Lewende Water. Wanneer die Heilige Gees in en deur ons werk, neem ons die Lewende Water na ‘n wêreld in nood. Dit is net deur die genade van God en die leiding van die Heilige Gees dat ons draers van Christus se hoop kan wees.

Dis lidmate van Helderberg Gemeente en Somerset-Wes Moedergemeente wat saam met ander gelowiges en die gemeenskap hande vat om saam draers van Christus se hoop te wees in ‘n omgewing en wêreld wat smag na hoop.

Om ‘n windpomp te wees vra dat ons langtermyn verhoudings bou. Dat ons ons tyd en menswees deel op ‘n egte en oop manier. En om ten volle afhanklik van God te leef.

Kom gesels gerus Sondag met die bestuurspan as jy meer wil weet van Helderberg Uitreik. Hulle sal ‘n blou beker vashou.

Jy is welkom om ‘n afspraak met my te maak en dan gesels ons lekker oor waar jy betrokke wil raak.

Melanie Smit

Twitter

Ons is baie opgewonde oor Schalk wat die eredienste gaan doen vir die Uitreikfees. Onthou ook al die projekte se uitstallings in die Tent, hulle sal graag met jou wil gesels oor hul projekte.

Twitter