'n Passie vir God

 
en 'n hart vir mense en 'n wêreld in nood

Kan julle glo dat ons dit tot 2021 gemaak het? Dankie Jesus!

Ek is seker ons het almal met die hoop geleef hier in ons binneste dat ons 2021 normaal sou kon afskop met skool toe gaan en deel te neem aan sport en weer kerk toe gaan….helaas het Covid ons steeds in sy greep!

Die een ding wat Covid ons almal geleer het, is om kreatief te dink en anders te werk en te bedien, en dankie tog vir tegnologie! Ons kon steeds verlede jaar voortgaan met aanlyn dienste vir die Kiddie- en Tekkiekerk, asook die bediening aan ons tieners.

Gemeentes en alle bedieninge is voor die uitdaging om saam met die res van die wêreld altyd vars en nuut te dink: Ons gaan vanaf volgende week, daagliks, vanaf Maandag tot Vrydag, ‘n kort video uitstuur vir die kinders met ‘n Bybelstorie of ‘n gedagte vir die dag. Sondae, sal die tema van die week dan saamgevat word in ‘n poppekas. Ons vertrou ons jong kinders sal dit baie geniet!>>

Lees verder: Kinderbediening 2021…..

Jesus bring hoop

Liewe lidmaat van Helderberg
Ons ken van droogte en swaarkry in ons land en die woorde van Jesaja 35:1 is al dikwels in die verlede aangehaal: “Laat die woestyn en die dor land hulle verheug, laat die Araba juig en blom soos ‘n tulp.” (2020-vertaling). Covid-19 en die uitdagings daarmee saam, het ons in 2020 dikwels laat voel soos reisigers in ‘n woestyn en dor land. Kersfees wil ons herinner dat God ons raaksien op hierdie reis. Jesus het juis aarde toe gekom vir ‘n stukkende en onseker wêreld. Jesus is nie net die Verlosser van die wêreld nie. Hy is ook die Immanuel, God met ons. “Sy sal geboorte gee aan ‘n seun, en jy moet hom Jesus noem, want Hy sal sy volk van hulle sondes verlos. Dit het alles gebeur sodat wat die Here deur die profeet gesê het, vervul kon word: Kyk die maagd sal swanger word en ‘n seun in die wêreld bring en hulle sal hom Immanuel noem, wat as dit vertaal word beteken ‘God met ons.’” (Matt 1:21-23; 2020-vertaling).

Jesus is Immanuel (God met ons) in ‘n stukkende en onseker wêreld (Matt 1:23). Elke jaar met Kersfees is dit weer blomtyd in die woestyn, omdat Jesus ook na my en jou kom. Ons is elke jaar van voor af bly, omdat Hy vir ons wat vasval en magteloos kan voel oor die uitdagings om ons, nuwe lewe en nuwe krag gee. Dit is ook hoekom ons opgewonde kan raak oor Kersfees. Dis nie maar net ‘n mooi droom te midde van ‘n nagmerrie nie. Dis ‘n viering van God se groot genade en van hoop.>>

Lees verder: Kersboodskap van ons drie leraars

Liewe Gemeentelede

In hierdie uitdagende tye wil ons graag steeds verantwoordelik optree. Met die tweede vlaag van infeksies wat drasties toeneem het die kerkraad besluit dat NG Helderberg eers in-persoon dienste vanaf komende Sondag 20 Desember sal staak.

Alle dienste sal lewendig uitgesaai (live stream) word en beplande dope sal voortgaan met naaste familie teenwoordig waar ekstra sorg geneem sal word met bestaande protokol.

Kom ons gaan voort om vir mekaar, die land en al sy mense te dra in gebed.

Die kerkkantoor sluit om 13:00 op 22 Desember 2020 en maak weer oop op 4 Januarie 2021.

Kerkkantoor ure: (onthou vanaf 15 Desember is dit skoolvakansie tye)
Maandae – Donderdae: 08:30 - 15:00
Vrydae: 8:30 - 13:00
Skoolvakansie: 8:30 - 13:00

16 Desember is dit geloftedag en daar is 'n diens vir die Helderbergkom om 09:00 by Strand Moedergemeente. Die kerkkantoor sal hierdie dag gesluit wees.

Top